Sjeik er alveg agalega spes orð. En sá sem er sjeik hlýtur að eiga skrautlegan bíl. Porsche 911 Turbo S sem var í eigu kúveiska sjeiksins Nass­er Mohammad al-Ahmad Al-Sa­bah er einmitt í lit sem nefnist Vanilla Yellow.  

Sjeikinn með langa nafnið, var sjötti forsætisráðherra Kúveit og var víst duglegur að „nota“ peninga í ráðherratíð sinni, að því er sagt er.

Hann pantaði þennan bíl alveg sérstaklega og er hann með öllu mögulegu og ómögulegu sem unnt er að fá í svona tæki. Árgerðin er 1998 og á árunum 2010 - 2014 var bíllinn víst tekinn í gegn hjá Porsche Classic, að því er seljandi segir á sölusíðu bílsins. Þetta er beinskiptur bíll með 3,6L, 6 strokka vél. Það litla sem er meira um hann að segja má lesa hér.

Einnig kemur fram að uppgerðin hafi kostað 446,500 evrur.

Það er margt í sambandi við tölur bílsins sem er furðulegt. Til dæmis að fullyrt er að samkvæmt kílómetramæli hafi bílnum alls verið ekið 135 kílómetra. Svona eins og úr Reykjavík, austur fyrir fjall og svo til baka. Það er nú spes. En mesta „spesið“ eru þó litirnir!

Að innan… Jæja, myndirnar segja allt. Gjörið svo vel: Vanillubíll sjeiksins!

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.