Lexus ROV hugmynd að buggybíl sýnd með vetnisorku

Lexus ROV vagninn, knúinn af tilraunakenndri vetnisknúnri brunavél, lofar vistvænni skemmtun utan alfaraleiða

Lexus, sem frumsýndi ROV torfærubílahugmynd sína í lok síðasta árs, sýnir hana núna á Tokyo Auto Show í Tókýó. Þar er hægt að forskoða mögulega framlengingu á Lexus vörumerkinu, auk tilrauna vetnistækni sem gegnir sömu lögmálum og hefðbundin brunavél.

Evrópustjóri Lexus, Spiros Fotinos, lýsti ROV nýlega sem bíl sem var hannaður til að „opna nýja tegund af torfæruævintýri fyrir viðskiptavini á sannan Lexus hátt“.

Þetta er lítill tveggja sæta buggybíll með svipaða hönnun og Can-Am Maverick, með sýnilegu burðarvirki, langri fjöðrun og stórum torfærudekkjum. Hann er aðeins 3,1 metri á lengd og 1,7 metri á breidd – og útlit hans á fátt sameiginlegt með bílum Lexus, þó að hönnun framljósa gefi til kynna tengingu.

Einnig eru sætin klædd áklæði úr gervileðri sem hægt er að þurrka af, því þau eru hönnuð til að verða óhrein.

Lexus hefur enn ekki staðfest neinar afkastatölur, þó að vörumerkið segi að hraðbrennandi vetnið framleiði nóg af togi. Sem aukinn ávinningur heldur Lexus því einnig fram að vélin eyði mun minni olíu en hefðbundin bensínknúin vél.

Lexus segir að helsta losun ROV-bílsins sé vatn, rétt eins og bílum með vetniseldsneytissellur - en vörumerkið viðurkennir að það sé „jaðarmagn“ af CO2 og NOx. En vörumerkið heldur fast í vistvæn skilríki bílsins.

Lexus hefur engin áform um að framleiða ROV - en fyrirtækið á sér sögu um að gera tilraunir með framlengingar á vörumerki sínu og taka þær síðan yfir á framleiðslustig eftir jákvæð viðbrögð viðskiptavina. Fyrir nokkrum árum hannaði fyrirtækið snekkju og setti skipið í kjölfarið í framleiðslu sem LY 650.

(Frétt á Auto Express)