Tegundirnar eru nokkrar og ef við teljum tegundir og árgerðir þá eru að minnsta kosti 34 mismunandi gerðir (þar á meðal eitt mótorhjól, traktor og slökkvibíll) sem sjást í þessari fuglamynd sem þó er ekki dýralífsmynd.

Á eftir Aston Martin má nefna árgerðir 1955 og 1956 af Buick Century Riviera en sá fyrrnefndi prýðir líka stóru myndina að ofan (forsíðumyndina).

Það eru fleiri Bjúkkar (Buick) og við eigum alveg þrjá eftir. „Hlutverkin“ eru auðvitað misjöfn og sum voðalega lítil: 

Allt fjaðrafokið í kringum fuglana gerði það að verkum að tæp þrjú ár tók að búa myndina til. Eins og kemur fram seinna í þessari umfjöllun þá voru ekki bara plat-fuglar í myndinni heldur líka sprelllifandi tvívængjur og það tók sinn tíma að kenna þeim á þetta allt saman. Þeir þurftu auðvitað að læra hlutverkin og svoleiðis. Myndin kom út árið 1963.

Í kvikmyndinni voru bæði „vélfuglar“ og þjálfaðir fuglar og það er frekar spaugilegt að geta þess að einn hrafninn (þeir eru klókir fuglar) þoldi ekki leikarann Rod Taylor (kannski séð lélega mynd sem hann lék í).Þetta var hrafninn Archie og gerði hann ítrekaðar loftárásir á manninn og skipti þá engu hvort verið var að taka upp eða ekki. Þannig að ekki var handritinu um að kenna.

Nokkrar líkur eru á að eitthvað sé ekki alveg rétt í myndatextum og jú, eitthvað vantar (einn Rambler, slökkvibíl og hestakerru kannski). Þá er tvennt í stöðunni; að reyna að fá endurgreitt í miðasölunni eða að senda undirritaðri tölvupóst með ábendingum.