Næsta kynslóð Mercedes E-Class mun halda sig við brunavélar
Mercedes ætlar að setja á markað nýjan E-Class árið 2023 og hann mun koma með bensín, dísel og tengitvinn aflrásum
Næsti Mercedes E-Class kemur árið 2023 og á tímum raf-endurfæðingar fyrir þýska vörumerkið mun hann reyna að sanna að uppáhalds Benzar með brunavél eru enn mikilvægir.
Nýjar E-Class þróunarfrumgerðir hafa sést á þjóðvegum í Evrópu, þar sem Mercedes gírar sig til að skipta út einni vinsælustu og þekktustu gerð sinni.
Nafnið hefur verið við lýði í næstum 30 ár sem aðalfólksbíll Mercedes, og þó sala á þessum gerðum sé að minnka og færast yfir til jeppa, er þetta enn mest seldi fjögurra dyra Mercedes-bíllinn, sem stóð fyrir 16 prósentum viðskipta vörumerkisins árið 2020, með yfir 300.000 sölur. Og það á tímum mikillar óvissu á alþjóðamarkaði.
Þróunarbílarnir sem sést hafa í akstri voru ekki með mikið af felulitum og það er ástæða fyrir því. Útlit nýja E-Class mun ekki marka róttækt frávik frá nýjusu C-Class og S-Class vörumerkisins.
Útlitið mun verða áþekkt í þessum þremur fólksbílum vörumerkisins, en tæknin sem knýr skjáina verður mismunandi milli gerða.
C-Class og S-Class eru mismunandi hvað varðar skjástærðir sem þeir bjóða upp á og tæknina á bak við þá. Líklegt er að E-Class komi með 11,9 tommu skjá sem staðalbúnað en verður valfrjáls í C-Class, með 12,9 tommu OLED spjaldi frá S-Class.
Mikið af þessari nýju farrýmistækni verður gerð möguleg með því að flytjast yfir á Mercedes MRA2 grunninn; þessi arkitektúr gerir E-Class kleift að taka stórt stökk fram á við þegar kemur að rafvæðingu.
Nýr E 300 e mun sameina 2,0 lítra bensínvél með forþjöppu með þessari nýju tækni, sem gerir kleift að ná meira en um 100 km drægni á rafhlöðuorku.
Hvað AMG hefur í huga fyrir nýja E-Class er enn óþekkt, þó að afkastamiklar útgáfur af næstu gerð komi stuttu eftir að kjarnabíllinn kemur á markað.
(frétt og myndir: Auto Express)
Aðrar umfjallanir
Það eru stórar vélar... og svo eru það þessir stóru hlunkar sem framleiða nóg afl og tog til að skilja hvern sem er eftir…
AMG jepparnir frá Mercedes Benz eig sína aðdáendur, sem segja að þetta sé lang flottasti jeppinn á markaðnum...
Myndin hér að ofan er, ótrúlegt en satt, ekki tekin í flokkunarstöð Sorpu. Heldur sýnir hún inn í Ford Focus. Sá sem tók myndina komst ekki inn í bílinn til að taka myndina fyrir ruslinu sem bókstaflega fyllir bílinn. Ruslabíll? Já, eiginlega.