Hispano-Suiza H6 1923
Stundum verða bílar frægir fyrir það eitt að vera í sjónvarpsþáttum. Þetta á við um 1923 Hispano-Suiza H6 sem er aðalbíllinn í þáttunum „Miss Fisher's Murder Mysteries“ sem gerðir eru í Ástralíu.
Að því að við best vitum hafa þessir þættir ekki verið sýndir enn í íslensku sjónvarpi en hafa verið sýndir á sjónvarpsstöðvum um allan heim, til dæmis á Bretlandi og Norðurlöndum og eins á Netflix.
Þættirnir um „Miss Fisher's Murder Mysteries“ snúast um einkalíf og vinnu Phryne Fisher (leikin af Essie Davis), glæsilegs einkaspæjara í Melbourne í Ástralíu seint á 2. áratugnum.
En aftur að bílnum sem við nefndum í innganginum, 1923 Hispano-Suiza H6 hennar Phryne Fisher er fullkomin viðbót við einkaspæjarann: hann er nútímalegur, áberandi, fágaður og spennandi eins og einkaspæjarinn.
Persóna eins og ungfrú Fisher þarf algjörlega að vera með nýjasta og hraðskreiðasta lúxusbílinn og Hispano uppfyllir allar kröfur.
H6 var með gríðarstórri, 6,5L sex strokka línuvél úr áli byggðri á flugvélamótor, sem er vel við hæfi þar sem Phryne Fisher í þáttunum er líka flugmaður.
Lúxusbíll
Hispano-Suiza H6 er lúxusbíll sem var framleiddur af Hispano-Suiza, aðallega í Frakklandi. H6 var kynntur á bílasýningunni í París 1919 og var framleiddur til 1933.
Alls voru framleiddir um það bil 2.350 H6, H6B og H6C bílar.
H6 vélin var sex strokka línuvél sem var innblásin af vinnu hönnuðarins Marc Birkigt á flugvélamótorum. Þetta var vél úr áli sem var 6.597 rúmsentimetrar.
Burtséð frá nýja yfirliggjandi knastásnum, var hann í meginatriðum helmingur af V12 vél sem var hönnuð fyrir flugvélar.
Sjö höfuðlegu sveifarásinn var renndur úr 272 kg stálstykki til að verða öflug 16 kg eining, en vélarblokkin var með skrúfaðar stálfóðringar, og vatnsrásir voru emaleraðar til að koma í veg fyrir tæringu.
Einn af athyglisverðustu eiginleikum H6 voru bremsur hans. Þetta voru léttblendiskálar á öllum fjórum hjólunum með aflaðstoð, þær fyrstu í greininni.
Þegar bíllinn var að hægja á sér, bjó eigin skriðþungi bílsins til viðbótarafl fyrir átak hemlanna til að veita aukið afl.
Aðrir framleiðendur fengu síðar leyfi til að nota þessa tækni, þar á meðal keppinauturinn Rolls-Royce.
(byggt á Wikipedia og heimasíðu um þætti Miss Fisher)
Aðrar umfjallanir
Henry Ford var hugsi eftir að hafa skoðað kjötvinnslu nokkra í Chicago í llinois, þar sem kjöt var unnið og því svo pakkað. Hann var ekki hugsi vegna gangs lífs og dauða, og hvorki var hann grænmetisæta né vegan.
Tesla er að skipta yfir i nýtt kerfi sem er kallað “Tesla Vision” sem notast við myndavélar í Model 3 og Y en afhending fyrstu bílanna hefst í maí...
Það er náungi sem hefur undanfarna mánuði verið að endurgera (remastera) gömul myndbönd frá Bandaríkjunum. Þetta eru myndbönd af umferðinni, bæjarlífinu og þess háttar. Hér skreppur áhorfandinn í bíltúr í Kaliforníu og það er algjörlega frábært að skoða allar gömlu drossíurnar!
Kanadíski birgirinn Magna International og rafeindarisinn LG Electronics í Suður-Kóreu eru að koma á fót sameiginlegt...