Sébastien Loeb og Isabelle Galmiche unnu Monte-Carlo rallið og er þetta áttugasti sigur hans í WRC rallinu en fyrsti sigur hennar. Alls hefur nífaldur heimsmeistarinn, Loeb, unnið Monte-Carlo rallið átta sinnum. Það er erfitt að átta sig á öllum þessum áttum.
Glaðbeittir sigurvegarar uppi á þaki (bílsins). Ljósmynd/Twitter@SebastienLoeb
Hálfnafni hans og samlandi, Sébastien Ogier varð í öðru sæti ásamt aðstoðarökumanninum Benjamin Veilas. Í þriðja sæti urðu þeir Craig Breen og Paul Nagle frá Írlandi.
Sébastien Ogier og Benjamin Veilas. Ljósmynd@World/Red Bull Content Pool
Af sigri Isabelle Galmiche er það að segja að hann er sögulegur því kona hefur ekki unnið í WRC frá árinu 1997 þegar Fabrizia Ponz og Piero Liatti unnu Monte-Carlo rallið á Subaru WRC.
Isabelle Galmiche. Ljósmynd/Jaanus Ree/Red Bull Content Pool og forsíðumyndin er líka frá Jaanus Ree/Red Bull
Írarnir Craig Breen og Paul Nagle urðu í þriðja sæti. Ljósmynd/Jaanus Ree/Red Bull Content Pool
Fleira er það sem fer úr þessu ralli yfir í sögubækurnar því þetta er í fyrsta sinn sem keppt er á tvinnbílum í WRC. Ford Puma Hybrid var farkostur þeirra Loebs og Breens en Ogier var á Toyota Yaris GR.
Ljósmynd/Jaanus Ree/Red Bull Content Pool
Nokkrar myndir fylgja hér en bætast fleiri við þegar ljósmyndarar fara að skila af sér listaverkum dagsins.
Sébastien Ogier og Benjamin Veillas (TOYOTA GAZOO RACING) Ljósmynd/Jaanus Ree/Red Bull Content Pool
Aðstæður voru margbreytilegar en þessar myndir eru teknar í gær. Ljósmynd/Jaanus Ree/Red Bull Content Pool
Aðrar umfjallanir
Þeir voru nokkrir, hönnuðirnir á sjötta áratug síðustu aldar sem ætluðu sér að slá í gegn hjá ríka og fína fólkinu; með flippuðum „baðstrandarbílum“. Eftirspurn var eftir léttum og nettum bílum, einkum á meðal þeirra efnameiri sem nutu lífsins við strendur Miðjarðarhafsins.
Niðurstöður liggja fyrir og Kia Telluride er “heimsbíll ársins 2020” (758 stig). Hann hafði betur gegn Mazda-3 (745 stig) og Mazda CX-30 (738 stig)...
Opinber smáatriði um hinn dularfulla nýja bíl eru ekki ljós en sjá má að hann muni hafa hönnun sem þróast úr 370Z coupé og verður nýjasta viðbótin við Z sportbíla...
Hér eru dæmi um nýjustu vitleysuna sem hinir ýmsu bifvélavirkjar fengu inn á gólf til sín síðustu vikuna eða þar um bíl. Hér má m.a. sjá hve miklum vel þjöppuðum snjó má koma fyrir undir vélarhlífinni. Það er gert með því að hafa einfaldlega opið upp á gátt í snjóbyl.