Elon Musk stjórnandi Tesla lofar stórkostlegri lækkun á verði rafbíla
Elon Musk forstjóri Tesla gerði grein fyrir áformum Tesla um að draga úr kostnaði við hönnun rafmagnsbíla og framleiðslukostnaði á svo róttækan hátt að 25.000 dollara bíll (3,5 milljónir ISK), sem keyrir sjálfur verði mögulegur, en hlutabréf bílaframleiðandans lækkuðu aðeins til þegar Musk spáði því að breytingin gæti tekið þrjú ár. Musk sagði þetta á „rafhlöðudeginum“ á þriðjudaginn.
Elon Musk (til hægri á myndinni) kom á óvart á „rafhlöðudeginum“ með því að koma ekki með þær fréttir sem von var á, en lofaði í staðinn að lækka verð á rafhlöðum um helming á næstu árum.
Musk viðurkenndi að Tesla hafi ekki metnaðarfullt nýtt ökutæki og rafhlöðuhönnun í pípunum og framleiðsluferli væri ekki að fullu lokið. Fyrirtækið hefur oft misst af framleiðslumarkmiðum.
„Ekkert sem Musk fjallaði um rafhlöður er komið í framkvæmd“, sagði Craig Irwin, sérfræðingur Roth Capital Partners. „Það var ekkert áþreifanlegt.“
Musk kom með hvorugt. Þess í stað lofaði hann á næstu árum að lækka rafhlöðukostnað um helming með nýrri tækni og ferlum og skila „hagkvæmum“ rafbíl.
"Á þremur árum ... við getum smíðað 25.000 dollara bíl sem verður í grundvallaratriðum á pari (við), kannski aðeins betri en sambærilegur bensínbíll," sagði Musk.
Musk lýsti nýrri kynslóð af EV rafhlöðum sem verða öflugri, endast lengur og helmingi dýrari en núverandi frumur fyrirtækisins.
Nýju stærri sívalningsellur Tesla munu veita fimm sinnum meiri orku, sex sinnum meiri kraft og 16 prósent meiri akstursdrægni, sagði Musk og bætti við að full framleiðsla væri í um það bil þrjú ár í burtu.
„Við erum ekki með bíl á viðráðanlegu verði. Það munum við eiga í framtíðinni. En við verðum að lækka rafhlöðukostnaðinn," sagði Musk.
Tesla gerir ráð fyrir að lokum geti smíðað allt að 20 milljónir rafknúinna ökutækja á ári. Í ár gerir allur bílaiðnaðurinn ráð fyrir að framleiða allt að 80 milljón bíla á heimsvísu.
Tesla mun framleiða nýju rafhlöðurnar í byrjun á nýju færibandi nálægt samsetningarverksmiðju sinni í Fremont, Kaliforníu, og áætluð framleiðsla mun ná 10 gígavattstundum á ári í lok árs 2021.
Tesla og samstarfsaðilinn Panasonic hafa nú framleiðslugetu sem nemur um 35 gígavattstundumir í rafhlöðuverksmiðju sinni í Nevada.
Tesla stefnir að því að auka hratt framleiðslu á rafhlöðum á næstu árum, í 3 teravattstundir á ári, eða 3.000 gígavattstundir - u.þ.b. 85 sinnum meiri en afkastageta verksmiðjunnar í Nevada.
Bílaframleiðandinn ætlar að framleiða nýju rafhlöðusellurnar með mjög sjálfvirku, samfelldu samsetningarferli, að sögn Drew Baglino, varaforseta aflrása og orkuverkfræði hjá Tesla.
Fyrir atburðinn tísti Musk seint á mánudag að endurbætur á rafhlöðum sem afhjúpaðar yrðu myndu ekki ná „alvarlegri framleiðslu í miklu magni“ fyrr en árið 2022.
Þó að meðalverð rafknúinna ökutækja hafi lækkað undanfarin ár vegna breytinga á rafhlöðusamsetningu eru rafbílar samt dýrari en hefðbundnir bílar, en áætlað er að rafgeymirinn nemi fjórðungi til þriðjungi af kostnaði rafknúins ökutækis.
Rafgeymapakkar Tesla kostuðu 156 dollara á kílóvattstundina árið 2019, samkvæmt ráðgjafafyrirtæki rafknúinna ökutækja, Cairn Energy Research Advisors, sem myndi setja kostnað á 90 kílóvattstunda pakka í kringum 14.000 dollara.
Tesla framleiðir nú rafhlöður í samstarfi við japanska fyrirtækið Panasonic í 5 milljarða dollara verksmiðju sinni í Nevada en fyrritækið LG Chem í Suður-Kóreu og CATL í Kína senda sínar rafhlöður til verksmiðju í Shanghai.
Musk í júlí sagði einnig að Tesla væri opið fyrir að veita leyfi og afhenda öðrum bílaframleiðendum aflrásir og rafhlöður.
Tesla kynnti á þriðjudag einnig nýjan bíl, Model S Plaid, með 851 km akstursgetu á rafmagninu, fólksbifreið sem getur náð hámarkshraða allt að 322 km/klst, með afhendingu sem hefst árið 2021. Plaid-bíllinn var skráður á vefsíðu Tesla á þriðjudag á verði um 140.000 dollara eða 19,3 milljónir ISK.
(Reuters)
Aðrar umfjallanir
Árbæjarsafnið sló til rokk og ról hátíðar síðastliðinn sunnudag með yfirbragði sjötta og sjöunda áratugar síðustu aldar. Spiluð var tónlist frá þeim tíma...
Þetta er jú ein leið til að losna við ryðið. Er þetta sniðugt eða ekki? Áhugavert væri að vita hvort lesendur hafi reynslu eða skoðun á svona löguðu. Þ.e. sýrubaði á bílnum en ekki sjálfum sér (að sjálfsögðu!). Hvað segið þið? Aðferð úr forneskju?
Volvo ætlar að skipta yfir í „megacasting“ tækni Tesla til að bæta drægni og hleðsluhraða í næstu kynslóð rafbíla sem smíðaðir verða í stærstu og elstu verksmiðju Volvo.
Volkswagen hefur farið sér hægt varðandi „alvöru“ torfærubíla, en þó hafa öðru hvoru borist fréttir af því að þar á bæ...