Það er sjaldgæft að margfaldir heimsmeistarar standi frammi fyrir algjörlega óyfirstíganlegri hindrun og það frammi fyrir þúsundum áhorfenda. Þetta gerðist þó í gær þegar þeir Sébastien og Sebastian ætluðu að fagna.
Já, þeir „næstum-því-nafnar“ Sébastien Loeb og Sebastian Vettel reyndust eiga í bölvuðu basli með kampavínið í gær. Það er ekki í fyrsta sinn sem menn hafa átt í vandræðum með áfengi, enda áfengið reynst mörgum fjötur um fót alla tíð. Sjaldgæfara er þó að vandinn tengist því að hella búsinu niður (eða upp) eins og í þessu tilviki.
Myndbandið spaugilega talar sínu máli en allt um keppnina sem í sjálfu sér var tilefni myndbandsins má lesa á síðu Race of Champions.
Annað „klaufalegt“ og kampavínstengt:
Aðrar umfjallanir
Það getur verið sniðugt, áður en básúnað er að maður hafi fundið Batmobile úti á víðavangi, að kanna umhverfi fundarstaðarins aðeins. Já, bara að ganga úr skugga um hvort í næsta nágrenni sé skemmtigarður eða tökustaður kvikmyndar, svo dæmi sé tekið.
„Á þessu höfðu þó tveir piltar þeyst á allt að 80 kílómetra hraða á klukkustund og skemmtu sér vel. Þeir voru ekki ölvaðir, bara haldnir ólæknandi bíladellu.“
Á IAA – alþjóðlegu bílasýningunni í Frankfurt þessa dagana sýnir Hyundai framtíðarhönnunaráætlanir vörumerkisins fyrir rafknúinn og sjálfstæðan akstur með hugmyndabílnum Hyundai 45.
Sýningarsalir Polestar eru ekki hefðbundnir. Það er verið að útbúa einn slíkan hér og þar er allt gert eftir kúnstarinnar reglum. Tónlistarkonan Lisa Nordströn er eins konar Hildur Guðnadóttir Svíanna og hún hefur skapað áhugaverðan hljóðheim fyrir sýningarsalina.