VW mun framleiða 1 milljón rafbíla á ári í Kína þar sem framleiðsla frá þremur verksmiðjum í samrekstri mun gera bílaframleiðandanum kleift að ná markmiðinu.
BERLÍN – Framleiðsla Volkswagen í Kína, efld með nýrri verksmiðju í Anhui héraði, mun geta smíðað 1 milljón rafbíla á ári frá og með 2023, sagði Ralf Brandstaetter, forstjóri Volkswagen vörumerkisins, við Nikkei á miðvikudag.
Ekki var hægt að fá nánari upplýsingar að sinni hjá Volkswagen.
Módel af Volkswagen MEB, eða Modular Electric Drive Matrix, til sýnis í Shanghai 18. apríl 2021.
Bílaframleiðandinn seldi 70.625 rafknúin ökutæki í Kína á síðasta ári og náði ekki markmiðinu að selja 80.000 til 100.000 bíla, þar sem framleiðslan varð einnig fyrir áhrifum af svæðisbundnum COVID-19 faraldri auk vandamála vegna tölvukubba.
Yfirmaður Volkswagen í Kína, Stephan Wollenstein, sagði á kynningarfundi í Peking í janúar að bílaframleiðandinn vildi tvöfalda sölu rafbíla sem nota aðeins rafgeyma á þessu ári en varaði við því að litlar hálfleiðarabirgðir gætu hindrað stefnuna að markmiðinu. .
Brandstaetter á að taka yfir rekstur Volkswagen í Kína 1. ágúst. Hann hefur verið aðalstjórnandi fólksbíladeildar VW í Þýskalandi fram til þessa.
Samkvæmt fréttum mun Thomas Schaefer, sem verið hefur aðalstjórnandi Skoda taka við stöðu hans hjá VW.
„Undir minni stjórn mun bílaframleiðandinn auka staðbundna þróun í Kína,“ sagði Brandstaetter við Nikkei.
(Reuters – BLOOMBERG)
Aðrar umfjallanir
MOSKVA – Samkvæmt frétt frá fréttaveitu Reuters hafa Rússar hafið framleiðslu á Aurus Senat lúxusbifreið sem kynnt var af Vladimir Pútín forseta...
BL við Sævarhöfða frumsýnir á morgun, laugardaginn 20. júní milli kl. 12 og 16, nýjan og endurhannaðan Renault Clio, einn vinsælasta...
Yfirlit yfir það helsta sem má búast við að sjá á IAA Mobility sýningunni í München 6. september 2021
Við höfum verið að fjalla um uppruna nokkurra bíla að undanförnu og þar á meðal jeppanna. Við byrjuðum á sögu herjeppans frá Willys...