Eins og það sé ekki nógu erfitt að sjá út fyrir spoilernum þarna að framan (er sko bæði með að framan og aftan) heldur kviknar líka í og þá sést nú bara ekki neitt!
![image](https://img.bilaskra.is/images/1644648008_5645517892959377140_1039781028198358.jpg)
Ökumaðurinn slapp ómeiddur en þetta má sjá í myndbandinu hér fyrir neðan. Skjáskot/YouTube
Leyfið mér að kynna mann sem ég þekki ekki neitt: Chris Rado. Hann er maður margra „spoilera“ (jú, ég veit að íslenska kvenkynsnafnorðið vindskeið er til en í dag má ég nota orðið spoiler) og virðist honum líða best mitt á milli tveggja slíkra: Einn að framan og annar að aftan.
![image](https://img.bilaskra.is/images/1644648009_4792376630118681206_1039781883579820.jpg)
Chris Rado hefur lítið verið í sviðsljósinu síðastliðinn áratug eða svo. Nú er hann meira í andlega ljósinu. Skjáskot/YouTube
Chris þessi Rado hefur sett ýmis met og slegið önnur á sínum 1200 - 1400 hestafla Scion en eitthvað virðist hann sjá og skilja sem mögum öðrum er hulið. Honum hefur í það minnsta tekist ýmislegt sem öðrum hefur ekki tekist. Og það á sínum framhjóladrifnu furðubílum.
Yfir á andlegu hliðina
Hann er fæddur árið 1975 í Pennsylvaníu í Bandaríkjunum og er atvinnukappakstursnáungi. Eða var. Hann var afar virkur á árunum 1999-2012 og um afrek hans má m.a. lesa hér.
Eitthvað virðist hann hafa velt sér yfir á andlegu hliðina í lífinu og kannski var hraðinn á þeirri hlið slíkur að hann þurfti ekki lengur á bílnum með spoilerana að halda.
Í það minnsta þá er lítið af ökumanninum sjálfum að frétta hvað akstursíþróttirnar varðar og ofurbíllinn hans var til sölu í lok árs 2018 eins og lesa má um hér. En hver veit nema óvæntar upplýsingar komi fram í næstu grein um manninn sem áður var kenndur við spoilera...
Tengt efni:
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1612439384_2247568552542512653_806654868000.jpg)
Við erum nýlag búin að reynsluaka tveimur nýjum bílum: Toyota Yaris Hybrid og Volkswagen ID3, en hvernig er öryggi þeirra háttað?
![](https://img.bilaskra.is/images/1646203210_8608194889991384925_2594983655592767.jpg)
Engin lögga var að fá sér kleinuhring þegar bíll ók á nokkurri ferð inn í City Donuts í Aurora í Colorado á laugardagsmorguninn. Annars hefðu mennirnir tveir ef til vill verið handsamaðir á staðnum en þeir hlupu á brott og skildu allt eftir í klessu.
![](https://img.bilaskra.is/images/1644738004_2976609051123428938_1129777591846755.jpg)
Ef ske kynni að einhver væri ekki viss um hvernig fjarlægja skal vél úr VW Golf Mk3 þá er rétt að rifja það upp. Svona af því að það er sunnudagur.
![](https://img.bilaskra.is/images/1675874414_4366769501799179635_29500319480886821.jpg)
Samkvæmt frétt Bloomberg er kínverski bílaframleiðandinn BYD að kanna að setja upp sína eigin verksmiðju í Evrópu...