Nýr 2022 Mazda CX-60
Nýr 2022 Mazda CX-60 tengitvinnsportjeppinn sem var frumsýndur í dag er öflugasti bíll fyrirtækisins frá upphafi
Mazda CX-60 er fyrsti tengitvinnbíll vörumerkisins og er hannaður til að fara í samkeppni við sportjeppa eins og BMW X3
![image](https://img.bilaskra.is/images/1646782807_3843512447630227339_408712230580386.jpg)
Gefum Felix Page hjá Autocar orðið:
„Mazda CX-60 er kominn í efsta sæti evrópskrar vörulínu vörumerkisins, og kemur með fyrstu tengitvinn-aflrás Mazda, sem parar saman 2,5 lítra fjögurra strokka bensínvél og rafknúinn mótor í nýja átta gíra gírkassanum. Útkoman er 323 hestöfl og 500 Nm, sem gerir þetta að öflugasta fólksbíl vörumerkisins hingað til.
Á sama tíma veitir 17,8kWh rafhlaða akstursdrægni allt að 60 km. Þessar tölur gera bílinn vel samkeppnishæfan gagnvart PHEV keppinautum á svipuðu verði; Volvo XC60 Recharge og BMW X3 xDrive40e.
Búist er við að aflrás CX-60 PHEV komi honum úr 0-100 km/klst á 5,8 sekúndum og losi aðeins 33g/km af CO2 á WLTP blönduðum akstri.“
![image](https://img.bilaskra.is/images/1646782808_2946632096663130937_408713496529980.jpg)
Beint í samkeppni við þýsku úrvalsmerkin
Auto Express á Englandi dregur ekki neitt úr heldur, og gefum hér Yousuf Ashraf hjá Auto Express orðið:
![image](https://img.bilaskra.is/images/1646782810_1117928529116946285_408714753292767.jpg)
CX-60 er stærri en CX-5 crossover og er í anda „Kodo“ hönnunarstefnu Mazda sem leggur höfuðáherslu á einfaldleika.
Mjúkur framendinn er með stóru, vængjuðu grilli sem blandast inn í framljósin með mjóum LED dagljósum (sem einnig eru stefnuljós), í samræmi við núverandi „fjölskyldusvip“ Mazda.
![image](https://img.bilaskra.is/images/1646782811_8149796400116590859_408715954600082.jpg)
Nýjar drifrásir og tengitvinn
CX-60 er með glænýjum aflrásum í öllu framboðinu. Frá og með kynningu verður hann aðeins boðinn sem tengitvinnbíll, sem parar saman 2,5 lítra fjögurra strokka bensínvél við rafmótor fyrir samtals 323 hestöfl.
![image](https://img.bilaskra.is/images/1646782812_6335082889458825666_408717126512004.jpg)
Rafmótorinn er knúinn af 17,8kWh rafhlöðu sem hægt er að fullhlaða á fjórum klukkustundum úr venjulegri heimahleðslustöð. Mazda heldur því fram að CX-60 geti ekið allt að 60 km í hreinum rafknúnum akstri, á allt að 100 km hraða, en vörumerkið gefur upp skilvirkni upp á 188mpg og 33g/km af CO2.
Ný dísilvél í lok þessa árs
Í lok þessa árs mun Mazda setja á markað 3,3 lítra línu sex strokka dísil með 48V mild-hybrid tækni. Bensínbíll með 3,0 lítra líínu-sexu kemur í kjölfarið árið 2023, aftur með mildu blendingskerfi og Skyactiv X-tækni frá Mazda.
![image](https://img.bilaskra.is/images/1646782813_1775255155901098701_408718150434466.jpg)
CX-60 notar Skyactiv Scalable Architecture frá Mazda og tekur upp „Kinematic Posture Control“ kerfið frá MX-5 sportbílnum.
Kerfið beitir bremsunum á innra afturhjólið til að koma í veg fyrir veltihreyfingu yfirbyggingar og rafhlöður fyrir blendingskerfið eru festar á milli fram- og afturöxla CX-60.
![image](https://img.bilaskra.is/images/1646782814_4852514600919973848_408719010259150.jpg)
570 lítra farangursrými
Þrátt fyrir flækjur tvinnkerfisins hvað varðar pláss býður CX-60 upp á 570 lítra farangursrými, sem er á pari við keppinautana.
Hægt er að fá bílinn í þremur útfærsluþrepum: Exclusive-Line, Homura og Takumi.
Grunngerð bílsins fær 18 tommu felgur og svarta yfirbyggingarklæðningu, Homura bætir við svörtum 20 tommu felgum, svörtum hliðarspeglum og dekkra grilli. Að innan fá bílar í næsta búnaðarstigi m.a. hita í aftursætin, umhverfislýsingu og sjálfvirkt sætisstillingarkerfi.
![image](https://img.bilaskra.is/images/1646782815_8783329111064115480_408720141946112.jpg)
Þetta gerir ökumanni kleift að tilgreina hæð sína í upplýsinga- og afþreyingarkerfinu, með innri myndavélum sem skynja augnstöðu þeirra og stilla sæti, stýri og spegla eftir þörfum.
(vefsíður Autocar og Auto Express – myndir frá Mazda)
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1647153607_6004513017510137138_779511610978362.jpg)
Jay Ohrberg er maðurinn að baki mörgum stórfurðulegum ökutækjum sem við höfum flest séð bregða fyrir á hvíta tjaldinu: Batmobile, RoboCop, Ecto-1 úr Ghostbusters og svo mætti lengi telja.
![](https://img.bilaskra.is/images/1612439058_7211951341785066389_480739807000.jpg)
MÍLANÓ - Fiat hefur sett á markað nýtt afbrigði af Tipo-fjölskyldunni sem kallast Tipo Cross, hlaðbakur með sportjeppa og „crossover“...
![](https://img.bilaskra.is/images/1612439028_5246194796770518214_450946610000.jpg)
Volkswagen er með áætlanir um afbrigði af ID4 rafbílnum sínum sem aðeins notar rafhlöður, sem mun hafa meiri kraft, sportlegri hönnun og fjórhjóladrif...
![](https://img.bilaskra.is/images/1664019607_5222957915524529137_17645512461563127.jpg)