Þúsundir lítra af klístruðum kóladrykkjum geta heldur betur gert hraðbrautina varasama. Það fengu ökumenn að finna þegar „sturtað“ var úr Coca Cola-bíl á hraðbraut skammt frá Pomona í Kaliforníu fyrir fáeinum dögum.
„Sullumbull og bullumsull“ sagði í einhverju laginu. Hér var alla vega mikið klístur. Myndir/Pepe
Þetta er að sjálfsögðu ekki leiðin til að hella gosi enda kom það ekki til af góðu að tugþúndir lítra af Coca Cola, Doctor Pepper, Fanta og fleira klístri færu út um allt. Að sögn sjónarvotta ók fólksbíll í veg fyrir flutningabílinn sem endaði með því að sá síðarnefndi valt og gosdrykkir dreifðust nokkuð víða.
Bílstjórinn slapp ótrúlega vel og er með nokkra marbletti – annað amaði víst ekki að honum. Maðurinn sem minnst var á hér í morgun, Josh hjá dráttarbílaþjónustu Pepes, var kallaður á staðinn og í fyrradag sagði hann á Facebook að þetta hefði verið æðislega skemmtilegt útkall (var auðvitað ánægður að enginn skyldi slasast) en verst þótti honum að sjá allt þetta Cherry-Cola fara til spillis…
Hér eru myndir frá dráttarbílaþjónustu Pepes en fjallað var um stóra kólamálið í fréttum í Kaliforníu og hér má sjá eina fréttina af klístruðum vettvangi:
Þessu tengt:
Aðrar umfjallanir
Flestir áhugamenn amerískra sportbíla vita að Pontiac Trans Am er nefndur eftir svokallaðri Tans-Am kappaksturskeppni. Keppnin var sett...
Tesla Model 3 hefur selst mun betur en mun ódýrari Honda Civic og er núna söluhæsti fólksbíll Kaliforníu á fyrsta ársfjórðungi 2020...
Nýr Audi TT Final Edition markar endalok fyrir þennan merka sportbíl
Breytingafyrirtækið Brabus er þekkt fyrir að bæta góðum kostum víð ýmsa bíla frá Mercedes-Benz farartæki. Þetta árið hafa komið fram áhugaverðar breytingar...