Fólkið sem ekur viljandi í pollana

Á meðan fjöldi rafbílaeigenda hér á landi er á nálum vegna pollanna á götum borgarinnar er til fólk sem í raun og veru leitar þá markvisst uppi og lætur vaða með tilheyrandi skemmdum og bilunum.

Skjáskot/YouTube

Nú er kannski ekki alveg rétt að tala hér um „poll“ því þetta er vað. Hvað sem það nú kallast þá geta pollarnir sem myndast á höfuðborgarsvæðinu verið býsna stórir.

Fíflagangur og slysahætta

Á YouTube-rás nokkurri er aragrúi myndbanda sem tekin eru við Rufford Ford í Nottinghamskíri (Nottinghamshire) á Englandi. Yfir vaðið aka sumir geyst og skvetta á alla sem nálægir eru en aðrir fara hægt yfir.

Þetta myndefni er fáránlega vinsælt og eru fjölmargir uggandi yfir þessari „dellu“ enda töluverð slysahætta í kringum sullið.

Börn fylgjast með bílunum aka á fleygiferð í drullugt vatnið og fá yfir sig öll heimsins óhreinindi um leið og þau eru hársbreidd frá bílunum í sumum tilvikum.

En svo eru það stóru börnin. Einnig nefnd „fullorðnir“. Fullorðnir eru líka í sullinu og virðast engar áhyggjur hafa af hálfdrukknandi börnum, fljúgandi bílhlutum og fleira heimskulegu.

Auðvitað bila margir bílanna eftir meðferðina og dráttarbílar eru tíðir gestir við vaðið. Svo má ekki gleyma fjölda bílnúmera sem fiska má upp úr drullupollinum þegar dregur úr umferðinni.

Á myndinni eru nokkrar númeraplötur sem Thomas Sunderland (sem heldur úti „sullrásinni“) og félagar dorguðu upp einn daginn. 

‍Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.

Við reynsluökum bílum, tökum viðtöl, skrifum greinar og fjöllum um bíla á óhlutdrægan hátt. Umferð, öryggi, vegir, tryggingamál og allt annað sem tengist bílum og umferð. www.bilablogg.is

Aðrar umfjallanir

Síðasti Cityrama langferðabíllinn er fundinn

Citroën langferðabíll, sem margir telja einn þann undarlegasta í þeim flokki bíla , virðist vera fundinn. Er síðasta eintakið ekki burðugt að sjá en einhvern veginn komst það á þann stað sem hér sést.

Einn af 2.606 - kominn á Ystafell

Fyrir fáeinum mánuðum bættist enn einn kjörgripurinn við fagran bílaflota Samgönguminjasafnsins að Ystafelli. Það er Armstrong Siddeley Hurricane, árgerð 1946 en aðeins 2.606 eintök voru framleidd af þessari snotru gerð.

Ekinn 2 milljónir kílómetra – og það sést!

Þetta dómsdagsskrapatól hefur farið 2 milljónir kílómetra. Hvílík ruslahrúga á hjólum, ef hjól skyldi kalla! Hvað sem gengið hefur á þá lítur þessi Mazda 323 ´91 út fyrir að hafa lagt að baki 20 milljónir kílómetra, orðið fyrir loftsteinadrífu, eldgosi og sogast inn í skýstrók.

Bíllinn með flug-vélina

Eftir síðari heimsstyrjöldina vantaði einkabifreiðar á markaðinn. Meginástæðan var sú að stálið var notað í annað og verksmiðjurnar einnig í að framleiða vopn...