Þetta dómsdagsskrapatól er sagt hafa farið 2 milljónir kílómetra. Hvílík ruslahrúga á hjólum, ef hjól skyldi kalla! Hvað sem gengið hefur á þá lítur þessi Mazda 323 ´91 út fyrir að hafa lagt að baki 20 milljónir kílómetra, orðið fyrir loftsteinadrífu, eldgosi og sogast inn í skýstrók.
Hér vantar voðalega margt og best að hafa ekki fleiri orð um þetta.
Eigandinn byrjar á því að særa bílinn í gang með þeim torkennilega hætti sem vill loða við særingar almennt og allt í kringum það hvernig farartækinu er komið af stað er dularfullt og hrikalegt í senn en sannarlega kynngimagnað.
Ekki kemur fram hvar þetta fararhrúgald heldur til (svo maður geti varað sig á því) en þetta virðist vera langt í burtu frá Íslandi. Og líka langt í burtu frá umferðaröryggi, bifreiðaskoðunarstöðvum og slíku.
Skotthlerinn opnast. Með handafli, réttum verkfærum og þvermóðsku. Svo helst hann uppi með einhverju sterku. Trjádrumbur getur til dæmis dugað.
Þessu skylt:
Aðrar umfjallanir
Við hittum nokkra hressa atvinnubílstjóra sem hafa það skemmtiega verkefni með höndum að aka rafbílum alla daga. Okkur langaði að heyra um reynslu þeirra...
Njósnaljósmyndarar Auto Express hafa séð tengutvinnútgáfu af komandi Volkswagen Transporter T7 sem er í prófun á Nurburgring.
Framhjóladrifni smábíllinn bíllinn Daihatsu Charade var framleiddur frá 1977 til 2000. Fyrsta kynslóð Charade G10 kom fram árið 1977. Hann var framleiddur bæði sem 3ja eða 5 hurða hlaðbakur...
Þegar við sjáum myndir af sebramynstruðum bíl sem var „spottaður“ við prófanir, hugsum við ekki endilega um vinnuna að baki þessum myndum. Og hagsmunaárekstra og rimmur!