BL hefur afhent þrjú þúsund rafbíla

BL við Sævarhöfða afhenti síðasta fimmtudag þrjúþúsundasta rafbílinn frá því að fyrirtækið hóf sölu rafbíla árið 2013.

Bíllinn sem afhentur var er af gerðinni BMW iX Atelier xDrive40, sem er nýjasti fjórhjóladrifni jepplingurinn frá BMW og frumsýndur var við hátíðlega athöfn hjá BL í október á síðasta ári.

Bíllinn, sem hefur um 425 km drægni á rafhleðslunni, er 326 hestöfl og getur dregið 2,5 tonn á dráttarkróki sem er mesta dráttargetan á rafbílamarkaðnum.

Hreinir rafbílar með sífellt stærri sneið af kökunni

Sala rafbíla hefur aukist jafnt og þétt á undanförnum árum samfara auknu framboði frá öllum helstu bílaframleiðendum heims enda nálgast hlutfall nýskráðra rafbíla nú að verða 20% í heildarsölu fólksbíla hér á landi. Sem dæmi um þessa þróun má nefna að frá því að BL nýskráði fyrsta rafbílinn árið 2013 liðu ríflega fimm ár þar til fyrirtækið hafði selt eitt þúsund slíka bíla, sem var í árslok 2018.

Mikið úrval rafbíla

Að lokum má geta að alls selur BL sextán mismunandi gerðir hreinna rafbíla frá níu framleiðendum, auk fjölda tengiltvinnbíla og er úrval nýorkubíla hvergi meira hér á landi. Frá 2013 hefur rúmur þriðjungur nýskráðra rafbíla á landinu verið frá framleiðendum sem BL hefur umboð fyrir. Sé bæði litið til nýskráðra og innfluttra notaðra rafbíla er hlutfallið 41,2%.

Í dag tók Pétur Steinþórsson flugmaður við lyklunum að nýjum og öflugum fjórhjóladrifnum BMW iX Atelier xDrive40, nýju flaggskipi BMW Group á rafbílamarkaðnum. Með honum á myndinni er Daníel Snær Sigfússon, söluráðgjafi BMW hjá BL, sem afhenti Pétri lyklana að nýja bílnum.

Við reynsluökum bílum, tökum viðtöl, skrifum greinar og fjöllum um bíla á óhlutdrægan hátt. Umferð, öryggi, vegir, tryggingamál og allt annað sem tengist bílum og umferð. www.bilablogg.is

Aðrar umfjallanir

Mazda með nýjan rafmagnsbíl á bílasýningunni í Tókýó í næsta mánuði

Mazda Motor Corp. Hefur lagt metnað sinn í þróun brunahreyfla í bíla fram að þessu, en samkvæmt frétt á Automotive News Europe munu þeir fljótlega afhjúpa rafmagnsbíl

Eigum við eitthvað að ræða þennan BMW?

Suss hvað hann er flottur! Eða hvað finnst ykkur? BMW M8 Competition lítur hrikalega vel út að mati þeirrar er hér spilar á lyklaborðið.

Lada á leið á markaðinn með nýjan Niva jeppa

Gamla góða Lada vörumerkið sem í dag er rússneskt vörumerki Renault, mun setja á markað nýjar útgáfur af gamla góða Niva jeppanum (sem við kölluðum Lada Sport)...

Ferrari sem fáir hafa séð

Ferrari sem lítur furðulega út? Þeir eru nokkrir. En hér er einn sem er byggður á LaFerrari Aperta og já, það er alveg hægt að klóra sér í kollinum yfir þessum.