Meira að segja Jeremy Clarkson, sleggjan úr Top Gear, var eitt sinn ungur. Eða alla vega yngri. Hér er bráðskemmtilegt 25 ára myndband með Clarkson en hann hafði þá verið einn kynna Top Gear þáttanna í 9 ár.
Það er óhætt að segja að hinn tæplega sextíu og tveggja ára gamli Jeremy Clarkson hafi verið áberandi í sjónvarpi býsna lengi, eða í 34 ár, samkvæmt nýjustu útreikningum.
Hann er gott dæmi um skemmtilegan þáttarstjórnanda sem ekki fékk vinnu í sjónvarpi útlitsins vegna. Hann er einfaldlega skemmtilegur. Í dag er hann einn þriggja stjórnenda þáttanna The Grand Tour en þekktastur er hann þó fyrir Top Gear þættina á BBC ásamt þeim James May og Richard Hammond.
Frá vinstri: Richard Hammond, James May og Jeremy Clarkson. (Þeir eru ekki með fjólublátt hár. Lýsingin gerir þá svona sprellikarlalega.) Mynd/Wikipedia
En hér er myndband frá árinu 1997, úr Top Gear þætti, og til umfjöllunar eru hinar ýmsu útfærslur af Ford Transit. Ljómandi gott og hressandi á þriðjudegi sem þessum!
Annað „gírað“ frá öðrum tíma:
Aðrar umfjallanir
Nýlega var upplýst um ólöglegt athæfi í fréttaskýringarþættinum Kveik á RÚV, þar sem fram kom að bílaleigur hafa lækkað aksturstölur bíla til að gera þá seljanlegri.
Hér er ekki fjallað um ömmu heldur er þetta um konu sem heitir Amma. Reyndar er hún amma, enda orðin 71 árs og ekkert undarlegt við það að Amma sé orðin amma. En Amma er mögnuð! Hún ekur risastórum vinnuvélum og er með réttindi til að stjórna 11 gerðum farartækja.
Sjái maður bíl renna yfir götu og alla leið út í straumþunga á ættu fyrstu viðbrögðin ekki að vera: „Vonandi gerir einhver eitthvað.“ Því miður er almenna afskiptaleysið það sem kemur í veg fyrir að fólk rjúki til og hjálpi náunganum. Í þessu tilviki er reyndar enginn „náungi“ í bílnum en það getur maður ekki vitað án þess að kanna málið!
Haustið er tími breytinga og það eru spennandi tímar fram undan hjá bílaumboðinu Heklu. Til að gera þeim skil blæs Hekla til hausthátíðar laugardaginn 21. september frá 12 til 16.