Nýr uppfærður Jaguar F-Pace kemur með tengiltvinnbílaafbrigði
- Uppfærði Jaguar F-Pace er með nýjar innréttingar en ný P400e viðbætur hafa bæst í sviðið
Sú gerð sem er söluhæst hjá Jaguar, F-Pace, hefur fengið gagngera endurskoðun. Breski bílaframleiðandinn hefur fínpússað ytri hönnunina, endurhannað farangursrýmið og kynnir nýjan mildan „hybrid“ og drifrás með tengitvinnbúnaði.
Sjónrænar uppfærslur á nýja Jaguar F-Pace eru fíngerðar en endurskoðuðum LED ljósum að framan hefur verið bætt við og þau eru nú með tvöfaldri J-laga ljósahönnun sem fyrst sást á I-Pace ásamt stækkuðu grilli. Aftan eru einnig komin ný LED afturljós.
Jaguar segir að hægt sé að gera 90 prósent allra skipana innan tveggja flipa í heimavalmyndinni. Að öðru leyti er efri hluta mælaborðsins skipt í tvo hluta - efra svæði sem hægt er að fá með áferð úr tré eða áli, með andstæða neðri hluta í leðri.
Núverandi snúningshnappur fyrir val á drifi F-Pace sem rís upp úr miðjustokknum er ekki lengur til staðar og í staðinn er kominn ‘lófa-skiptir’ í lófaþykkt, sem er með saumum eins og „krikketkúla“ eins og vefur Auto Express lýsir þessu. Ný hurðarspjöld eru með stærri geymsluhólf fyrir flöskur, en rofar fyrir rafknúnar rúðuvindur hafa verið færðir frá efri hluta hurðarinnar niður í átt að handföngunum til að þa sé auðveldara að ná þeim.
Vélarlínan er líka öll ný og samanstendur af þremur dísilvélum, tveimur bensínvélum og drifrás með tengitvinnbúnaði. Allir bílar eru fjórhjóladrifnir sem staðalbúnað og eru með átta gíra sjálfskiptingu.
Gerðirnar með dísilvélum eru allar 48V mildir-tvinnbílar og eru með 2,0 lítra fjögurra strokka í tveimur gerðum: 161 hestöfl og 202 hestöfl. 296 hestafla 3,0 lítra sex strokka er öflugasta dísilvélin frá upphafi; Jaguar fullyrðir að þessi gerð nái 0-100 km á 6,1 sekúndu.
Bensínvalkostir fela í sér 247 hestafla 2,0 lítra fjögurra strokka túrbóvél og nýja 396 hestafla mildan blending með 3,0 lítra sex strokka vél með rafmagns forþjöppu. Jaguar fullyrðir að hann muni fara frá 0-100 km á 5,1 sekúndu.
Efst í röðinni frá upphafi er nýr P400e tengiltvinnbíll sem notar 2,0 lítra fjögurra strokka túrbó bensín, 17,1 kWW rafhlöðu og rafmótor. Sameinað kerfið gefur 400 hestöfl og togið er 640Nm og þetta er fljótasta gerðin; Jaguar segir að það muni ná 0-100 km á fimm sekúndum. Það er skilvirkasta gerðin líka og skilar kröfu um 130,2 mpg og CO2 losun 49 g / km, en full hleðsla skilar allt að 53 km á rafmagninu.
(byggt á frétt á Auto Express)
Aðrar umfjallanir
Samkvæmt fréttum á vefnum hafði Peugeot ætlað að smíða um 10 prósent af nýja 208-bílnum sínum með rafhlöðuorku, en snemmbær eftirspurn eftir rafbílnum sem kallaður er e-208
Rafknúni Mustang Mach-E seldist betur í Bandaríkjunum en hefðbundinn Mustang í júní síðastliðnum.
Hvernig í veröldinni er hægt að fá Trabba gamla til að þagna? Öðruvísi en að drepa á honum sko? Jú, það er ein leið til að afmá helsta einkenni Trabantsins.
Þrívíddarprentun opnar nýja möguleika en það er ekki víst að margir átti sig á því hversu miklir þeir möguleikar eru. Fyrst þarf að rífa sig upp úr allskonar...