Það gekk á ýmsu árið 1981: Gríðarlegt óveður í febrúar, mikil ölvun um páskana og svo ofan á allt fæddist undirrituð um sumarið. Þetta eru þó alls kostar ótengd atvik. Held ég. Í Vísi var skrifað um svakalegt páskaskrall Grindvíkinga og birtist umfjöllunin fyrir 41 ári, næstum upp á dag.

Eftir páskana það árið, nánar tiltekið þriðjudaginn 21. apríl, birtist frétt sem byrjaði svona:

„Um kl. 5 um morguninn missti ungur piltur stjórn á Mustang bifreið sem hann hafði að láni, og skeði óhappið á mótum Ásabrautar og Hraunbrautar. Mustangbifreiðin skall þar á Mercedes Benz bifreið sem stóð inni í heimkeyrslu húss. Slík var ferðin á Mustangbílnum að hann kastaði Benzinum í gegn um lokaða bílskúrshurðina og klesstist hann þar á Ladabíl sem var þar inni og kastaði honum út að vegg hinum megin í skúrnum. Bílarnir eru mikið skemmdir eftir ef ekki ónýtir. Fimm manns voru í Mustang bílnum og þykir það kraftaverk að engan skyldi saka. Ökumaður var ekki undir áhrifum áfengis.“

Hvað næst?

Nú skyldi maður ætla að þessum ósköpum væri lokið enda löngu komið nóg! En nei, þetta er ekki búið. Ekki aldeilis.

Vargar í veiðistöð

Þá hafa óhöppum þeirrar páskahelgar í Grindavík verið gerð skil en fréttinni lauk þó á hughreystingarorðum til lesenda og höfum þau orð sömuleiðis lokaorðin hér, nema Loki vilji ólmur eiga lokaorðin eins og fyrir 41 ári.

Fleira úr íslenskum fortíðarveruleika:

Sigga á öskubílnum

Mús hrekkti bílstjóra á Akureyri 1984

Þegar braskað var með bílnúmer: Hátt verð fyrir lágt númer

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.