Nýr 2022 Range Rover Sport verður sýndur 10. maí
Þriðja kynslóð Range Rover Sport verður á endanum með rafknúnu afbrigði
Samkvæmt fréttum á vef Auto Express og Autocar hefur Land Rover staðfest að nýr Range Rover Sport verði sýndur 10. maí og bindur þar með enda á næstum níu ára valdatíma annarrar kynslóðar útgáfunnar.
Í framhaldi af Range Rover kynningu á fimmtu kynslóðinni á síðasta ári, verður mun minni, en vinsælli Sport gerðin sýnd í þriðju kynslóð.
Líklegt er að Sport muni bera mikið af sömu hönnun og Range Rover systkini hans.
Það kemur ekki á óvart að Land Rover fari fram með öruggum hætti, þar sem minni bíllinn selst betur en bílinn í fullri stærð næstum 2:1.
Neðra grillið er hins vegar kantaðra og meira áberandi en á Range Rover.
Afturljósin á nýja Range Rover voru mikil breyting frá fyrri gerðinni, þau voru felld inn í svartan grunn sem verður ógagnsær þegar ljósin eru ekki kveikt. Þó að það sé óljóst af þessum njósnamyndum gætum við séð það sama á nýja Range Rover Sport.
Á hliðinni eru innbyggð hurðarhandföng eins og á öðrum Range Rover gerðum og loftop í frambrettunum. Lengd hjólhafsins virðist svipað og gamla bílsins, tæpir þrír metrar á lengd. Hins vegar eru fram- og aftur yfirhang bílsins verulega styttri.
Uppfærslur Land Rover á innréttingunni verða umfangsmiklar.
Njósnamyndir sem lesandinn Peter Siu sendi til Auto Express gefa góða mynd af farþegarými og upplýsinga- og afþreyingarskjá nýja Range Rover Sport. Bíllinn mun vera með Pivi Pro kerfi JLR, með 11,4 tommu snertiskjá.
Nýr 2022 Range Rover Sport: vélar og drifrásir
Kaupendur munu enn hafa val um brunavélar í næsta Range Rover Sport, en stóru fréttirnar eru þær að jeppinn verður einnig fáanlegur með hreinni rafknúinni aflrás.
Það er þó enn von á bensínhausum, þar sem Land Rover mun halda áfram að framleiða Range Rover Sport SVR. Það sem meira er, Auto Express gerir ráð fyrir að þessi gerð muni vera með afköst eins og áður, með sömu tveggja forþjöppu 4,4 lítra V8 vélinni og er í BMW X5 M Competition.
(frétt og myndir á vef Auto Express)
Aðrar umfjallanir
Ójá! Það er sko mikill munur á kælivökva og rúðuvökva. Einkum er vont ef sá síðarnefndi fer á… Ojæja, það þarf kannski ekki að hafa mörg orð um það.
Los Angeles bílasýningin snýr aftur í LA ráðstefnumiðstöðina í tilefni 115 ára afmælis
Við hjá Bílabloggi óskum lesendum okkar gleðilegs árs og takk fyrir allar heimsóknirnar á árinu sem var að kveðja
Eins og flestir vita sem ætla sér að kaupa notaðan bíl þá er margt að varast og að mörgu að hyggja. En nú hefur löggjafinn bætt við enn einu atriðinu sem væntanlegur...