Í ágúst 1996 keypti rapparinn 2Pac, eða Tupac Shakur, afskaplega fínan Hummer H1. Mánuði síðar, föstudaginn 13. september, var Tupac allur. Hann lést af völdum skotsára sem hann hlaut þegar skotið var á bíl sem rapparinn var í, á leið frá hnefaleikaviðureign Tysons og Sheldons.

Bíllinn sem skotið var á er þó ekki sá Hummer sem hér um ræðir heldur bíll sem Tupac var farþegi í. Núna er Hummerinn, þessi síðasti bíll sem rapparinn eignaðist, á uppboði.

„Mesta stjarna þessara ára var 2Pac, sérlega snjall flytjandi og rímnasmiður, bryddaði upp á nýjungum í flæði, línulengd og innrími, en hann var myrtur 1996. The Notorious B.I.G. var myrtur ári síðar og segja má að þar með hafi bófarappið sungið sitt síðasta, í bili að minnsta kosti,“ skrifaði Árni Matthíasson í frábærri grein sem birtist í Morgunblaðinu sumarið 2003.

12 diska Clarion hjóðkerfi gerir það sem það á að gera og nánari upplýsingar um búnað þessa einstaka Hummers er að finna á vef uppboðshaldarans Goldins.

Hér eru nokkrar myndir frá Goldin af bíl Tupacs heitins:

Fleiri greinar um bíla tónlistarfólks: 

Söngvari Metallica kemur á óvart!

Anna Mjöll ýtti limúsínu Michaels Jackson

Alveg Gaga bílasafnari

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.