VW smíðar Star Wars-útgáfur af ID.Buzz

Það er til “Light Side” og “Dark Side” útgáfa, hvort um sig einstök

Volkswagen fagnar kynningu á Obi-Wan Kenobi, nýju Star Wars seríunni, með einstöku pari af ID.Buzz rafbílum. „Light Side Edition” og „Dark Side Edition“ raf-rúgbrauðin voru afhjúpuð á Star Wars Celebration viðburði í Kaliforníu og voru búnir til í sameiningu af VW og Lucasfilm.

Hönnuðir skoðuðu Obi-Wan Kenobi og Darth Vader, tvær mikilvægar persónur sem eru í nýjustu Star Wars seríunni, til að gefa sendibílunum útlit innblásið af sýningunni.

Light Side Edition sendibíllinn er byggður á farþegaflutningabílnum Buzz.

Hann er í ljós dröppuðum lit sem endurómar kyrtil Kenobi og efri hluti yfiryggingarinnar er með krómáherslum sem eru innblásnir af skipum og vélmennum.

Á hinum enda litrófsins byrjaði Dark Side Edition sendibíllinn lífið sem Buzz í sendibílsútgáfu.

Hann er í tveimur tónum af svörtu með rauðum áherslum sem eru innblásnir af klæðnaði Darth Vaders og sverði, á meðan felgurnar og afturgluggarnir bera með stolti merki heimsveldisins.

Þetta er ekki í fyrsta skipti sem Volkswagen setur ID.Buzz á sporbaug Star Wars. Nýi rafknúni sendibíllinn birtist ásamt R2-D2 og C-3PO í auglýsingu sem var frumsýnd í maí 2022.

Leikarinn Ewan McGregor, sem leikur Obi-Wan, ekur af stað í sendibílnum.

Þetta er heldur ekki í fyrsta skipti sem bílaframleiðandi smíðar einstaka Star Wars bíla. Nissan breytti fjölda bíla í þemabíla árið 2017.

Tengt vídeó:

Við reynsluökum bílum, tökum viðtöl, skrifum greinar og fjöllum um bíla á óhlutdrægan hátt. Umferð, öryggi, vegir, tryggingamál og allt annað sem tengist bílum og umferð. www.bilablogg.is

Aðrar umfjallanir

Næstum eins frægir og ólympíuhringirnir

Ólympíuhringina þekkja flestir. Svo koma hringirnir í merki Audi. Þá þekkja líka margir. En hvað merkja þeir? Þeir hafa ekkert með Ólympíuleikana að gera heldur standa þeir fyrir fjórar tegundir: Audi, DKW og Horch í Saxlandi og Wanderer Werke í Chemnitz.

2022 kemur Mercedes-Benz T-Class sem hálfgerð minni útgáfa af V-Class

Mercedes-Benz hefur sterka trú á framtíð fjölnotabíla (MPV) og bíla sem eru byggðir svipaðir og sendibílar, en hannaðir fyrir farþega og þess vegna hafa þeir stöðugt...

Skoda er að undirbúa næsta Fabia

Við sögðum frá því hér á vefnum að von væri á nýrri útgáfu af Skoda Fabia með vorinu, og eina myndin sem þá var tiltæk var ein...

Sýnir þessi „njósnamynd“ raunverulegt útlit Land Rover Defender?

Það kann að vera að ljósmyndari, sem var að mynda í laumi, hafi náð bestu myndinni ennþá af komandi Land Rover Defender með því að beina myndavélarlinsunni á mælaborðið á einum Defender sem var í prófunarferli.