2022 kemur Mercedes-Benz T-Class sem hálfgerð minni útgáfa af V-Class
Mercedes-Benz hefur sterka trú á framtíð fjölnotabíla (MPV) og bíla sem eru byggðir svipaðir og sendibílar, en hannaðir fyrir farþega og þess vegna hafa þeir stöðugt endurnýjað framboðið í gegnum tíðina og kynnt einn slíkan í hágæðaflokki, rafbílinn EQV.
V-Class er farinn að taka yfir sem hágæða leigubíll í mörgum borgum, meira að segja í London fjölgar svörtum V-Class hratt á götunum og koma í staðinn fyrir gamla góða svarta London-Taxi.
Veðja á T-Class
Nú veðjar Mercedes Benz á T-Class, fjölnotabíl sem verður staðsettur undir miðstærðarbílnum V-Class þegar nýi bíllinn kemur á markað á fyrri helmingi ársins 2022. Þessi nýi fjölsætabíll verður miðaður að fjölskyldum og samnýtingarakstri og hönnunin er slík að hann þekkist strax sem meðlimur í Mercedes-Benz fjölskyldunni.
„Með nýju skipulagi og hönnun T-Class náum við samruna virkni og notagildis“, útskýrði yfirmaður hönnunar hjái Daimler, Gorden Wagener. "Með okkar einstöku hönnunarheimspeki „Sensual Purity“, búum við til aðlaðandi fjölskyldufélaga sem er T-Class, með sína eigin hönnun og hlutföll"
Þróaður í samstarfi
T-Class, sem var þróaður í samvinnu við Renault-Nissan-Mitsubishi bandalagið, lofar „auknum gæðum“ og rúmgóðs innanrýmis sem kemur ekki á kostnað þægindanna. Auðvelt er að stíga inn og út úr bílnum með rennihurðum að aftan á breiðum hliðum beggja megin á bílnum.
Einnig bara rafmagn
Til viðbótar við venjulega brunahreyfla mun T-Class einnig koma með rafmagni eingöngu, sem ætti að auka áhuga hjá viðskiptavinum í leit að núlllosunarbíl, en jafnframt halda honum hagkvæmum um ókomin ár.
Í tengdum fréttum hefur bílaframleiðandinn tilkynnt að Citan verði einnig endurnýjaður og þó þeir hafi ekki gefið upp opinberan frumsýningardag fyrir litla bílinn, sem nú er endurútgefinn gerð af Renault Kangoo, sögðu þeir þó að hönnunin verði einnig í samvinnu við Renault-Nissan-Mitsubishi bandalagið.
Aðrar umfjallanir
Japanskir bílaframleiðendur voru skapandi á bílasýningunni Tokyo Auto Salon 2023 sem lauk á sunnudaginn
Honda mun setja ZR-V lítinn jeppa á markað í Evrópu á næsta ári þar sem bílaframleiðandinn stækkar rafknúið úrval sitt á svæðinu.
Toyota birti í dag fréttatilkynningu um frumsýningu á nýjum Yaris. Þessi nýja kynslóð bílsins bætir enn um betur umfram sinn flokk með því að bjóða akstursánægju
Jæja, allir í Don Cano gallana og strákar mega endilega vera með sítt að aftan! Og stelpur líka. Snjóþvegnar gallabuxur eru velkomnar. Ferðinni er heitið til ársins 1986! Það er nefnilega afmæli.