Nú hafa Stellantis og Toyota átt í samstarfi í heilan áratug og áfram skal það halda. Nú er nefnilega von á stórum sendibíl sem mun líka fást sem rafbíll.
Í fréttatilkynningu sem dagsett er í dag, mánudaginn 30. maí, segir eftirfarandi:
Toyota í Evrópu og Stellantis tilkynntu í dag um nýjan samning sín á milli sem felur í sér útvíkkun á núverandi samstarfi. Stellantis hefur framleitt bæði smærri sendibíla og í millistærð fyrir Toyota. Með nýjum samningi nú bætast stór sendibíll við og verður hann seldur undir merkjum Toyota. Nýi sendibíllinn verður fáanlegur sem rafbíll.
Áætlað er að sala bílsins hefjist um mitt ár 2024 og mun það marka tímamót hjá Toyota því sendibíll af þessari stærð hefur ekki verið í boði hjá Toyota í Evrópu fyrr.
Samstarf Toyota og Stellantis hefur staðið frá 2012 og með nýjum samningi mun Toyota geta boðið allar stærðir sendibíla til viðskiptavina í Evrópu en til þessa hafa Proace sendibílar, bæði smærri og af millistærð verið seldir í Evrópu .
Aðrar umfjallanir
Nú líður senn að því að löglegt tímabil vetrarhjólbarða renni út, en leyfilegt er að vera með nagladekk til 14. apríl næstkomandi...
Ef horft er á lista yfir söluhæstu bílana í Evrópu árið 2018 og þá kemur í ljós að á eftir Volkswagen Golf kemur fram ein gerð: Skoda Octavia.
Mercedes hefur opinberað nýjustu útgáfuna af vinsælustu gerð sinni á alþjóðavettvangi síðasta áratuginn: C-Class, sem kemur í fimmtu kynslóð...
Hjá Aston Martin gætu hliðarspeglar framtíðarinnar verið sambland af gamalli og nýrri tækni...