Gapandi og jafnvel gólandi fylgdist fólk með svartri C8 Corvettu aka í svakalegu flóði í Flórída. Svo djúpt var vatnið að það náði upp að framrúðu sportarans en svona lagað telst almennt ekki sniðugt. Bara alls ekki.
Að sjálfsögðu voru einhverjir á staðnum nógu snöggir að rífa upp síma og þess vegna er hægt að sjá þetta frá tveimur sjónarhornum, hið minnsta. Fyrra myndbandið tók kona nokkur sem horfði beint framan á Kaf-vettuna sem kom eins og flóðhestur upp úr sullinu.
Þetta gerðist í vikunni. Vond hugmynd og reyndar vond mynd líka... enda skjáskot úr myndbandinu hér fyrir neðan.
Svo má sjá hvar sportarinn er kominn upp úr djúpinu og bílstjórinn lætur vélina malla í hægagangi – eflaust til að athuga hvort hún hafi hreinlega haft þetta af.
Veittu einhverjir því athygli að þarna var á ferðinni „utanbæjarmaður“ eins og sagt er, en númeraplöturnar eru merktar Washington.
Seinna myndbandið er óskýrara en þar sést bíllinn frá hlið. Heyrist töluvert í fólkinu í kring sem kannski er yfir sig spennt vegna mögulegra endaloka vélarinnar í fallega bílnum.
Einhvern veginn lifði vélin kafsundið af. Ef til vill hefur það eitthvað með staðsetningu vélarinnar að gera (mid-engine layout) eða þá að einhver meiriháttar lukka hafi komið í veg fyrir að vatn færi inn á vélina. Þetta var eftir sem áður vond hugmynd hjá bílstjóranum og ill meðferð á föngulegum bíl.
Fleira um Corvettur – örlög, framtíð og fortíð:
Aðrar umfjallanir
Fyrir viku síðan ók undirrituð 1981 árgerð af DeLorean á Norður-Írlandi. Stoppaði ásamt syni við hliðið á upprunalegu DeLorean verksmiðjunni í Dunmurry. Í gær birtist svo æði merkileg frétt um þessa merkilegu tegund sem DeLorean er. Tveir slíkir hafa verið í áratugi þar sem tíminn hefur staðið í stað.
Polestar er bifreiðamerki í sameiginlegri eigu Volvo Car Group og móðurfyrirtækis þess, Geely Auto Group í Hangzhou í Kína...
Alpina er þekkt fyrir að taka bíla strax frá BMW verksmiðjulínunni, hækka frammistöðu þeirra og lúxus, smella undir þá setti af fallegum álfelgum og ferskri grænni, blárri eða brúnni...
Það er ekki endilega víst að sá sem ekur um á gömlum skrjóð sé illa stæður fjárhagslega. Eða hvað? Nei, það þarf alls ekki að vera. Hér er saga af karlinum sem mætti á barinn á hverju kvöldi og kom þangað akandi á gömlu bílskrifli.