Þvílík tilþrif í íslenska rallinu
Steinninn stóri
Þau Daníel og Ásta Sigurðarbörn unnu keppnina á ofur–Skoda. Þessi bíll er magnaður eins og áhöfnin og einn „steinn“ var nú ekki nóg til að stoppa ferðina þó svo að aðeins hafi séð á bílnum eftir snertinguna við grjótið.
Daníel og Ásta „fyrir grjót“. Skjáskot/Jakob C./YouTube
Hér er mynd af grjótinu. Ljósmynd/Garðar Gunnarsson/AIFS
Það þarf nú eitthvað meira en „steinvölu“ til að stoppa þessa áhöfn. Í öðru sæti voru þau Sigurður Arnar Pálsson og Bergþóra Káradóttir á MMC Lancer EVO V og sýndu þau virkilega flotta takta og tilþrif.
Sigurður Arnar Pálsson og Bergþóra Káradóttir á Djúpavatnsleið.
Gedas Karpavicius og Arturas Arcisauskas. Ljósmynd/Malín Brand
Þeir Gedas Karpavicius og Arturas Arcisauskas á Subaru Impreza voru í þriðja sæti eftir hreint út sagt magnaðan akstur! Án þess að einni áhöfn sé gert hærra undir höfði en annarri þá má samt alveg taka fram að framfarirnar sem þeir hafa tekið í sportinu á síðustu árum eru ótrúlegar og var virkilega gaman að sjá þá komast á verðlaunapall eftir þessa góðu keppni.
Sindri Jón Grétarsson og Svavar Smárason. Sprungið dekk að framan, vinstra megin, bjó til ákveðið mynstur í grjótdrífunni. Ljósmynd/Malín Brand
Hér má sjá úrslitin í heild og er best að ég fjalli ekkert um það sem að mér sjálfri snýr í rallinu en einhver er ástæðan fyrir því að forsíðumyndina (og fleiri) tók undirrituð. Það er ákveðin vísbending um eitthvað. En ekki orð um það meir!
Þessi bíll lauk keppni aðeins of snemma.
Hér fyrir neðan er brot af því besta frá Jakobi Cecil en nánar verður fjallað um rallið sem og Egilsstaðatorfæruna í þætti Braga Þórðarsonar, Mótorsport, á RÚV á laugardaginn.
Fleira nýtt og gott úr íslenskum akstursíþróttum:
Forsíðumyndin er af þeim Vikari Sigurjónssyni og Hönnu Rún Ragnarsdóttur á Subaru Impreza.
Aðrar umfjallanir
Er kolefnisgjaldið ónauðsynleg fyrirhyggjusemi eða nauðsynlegt gjald? Hvert fara svo skatttekjurnar af þessum skatti? Reynum að svara þessum spurningum...
Max Verstappen, sjálfur heimsmeistarinn í Formúlu 1, segist ekki eins góður á skautum og margir Hollendingar. Enda er hann jú heimsmeistari í Formúlu en ekki listdansi á skautum!
Bílasýningin í London, eða British International Motor Show, eins og hún hét á árunum 1903 -2008, þótti alla tíð mikilvæg sem og vegleg. Árið 1972 var þar engin undantekning.
Brimborg frumsýnir nýjan Volvo XC40 Recharge tengiltvinn á laugardaginn 22. febrúar að Bíldshöfða 6 í Reykjavík kl. 12-16...