Hyundai kynnir væntanlegan Ioniq 6
Kynningarherferð Hyundai Ioniq 6 heldur áfram með daglegum smáatriðum
Kynningin sjálf er ekki langt undan; orðrómur um framleiðslu þegar kominn í gang
Það eru bara tvö (mjög löng) ár síðan við sáum „Hyundai Prophecy“ hugmyndabílinn (bíllinn hér efst) sem leiddi til Ioniq 6, segir Autoblog-vefurinn. Það lítur út fyrir að framleiðsluútgáfa af Ioniq 6 sé loksins nálægt því að opinberast, bílaframleiðandinn birtir daglega kynningar á sérstakri Ioniq 6 síðu.
Síðan gefur ekki upp hversu margar kynningar verða, þannig að þetta gæti haldið áfram í nokkra daga í viðbót, tvær vikur eða lengur.
Nýjasta myndin sýnir líka bíl með myndavél fyrir hliðarspegil, þannig að við gætum búist við tilbúinni hugmynd á birtingardegi eða útgáfu sem ætluð er fyrir alþjóðlega markaði.
Frumgerðir frá síðasta ári sýndu aðdáunarverða tengingu við hugmyndabílinn og virtust tilbúnar til framleiðslu, en önnur frumgerð sem uppgötvaðist í Noregi fyrir nokkrum mánuðum hafði verið vafin inn í meira af felulitum.
Á síðasta ári greindi Korea Economic Daily frá innri skjölum Hyundai sem fjölluðu um að seinka framleiðslu Ioniq 6 um tvo eða þrjá mánuði „fyrir verulega endurhönnun og lengri kílómetrafjölda til að höfða til ungra, töff ökumanna“.
Talið er að Hyundai hafi lengt Ioniq 6 um 20 millimetra, sett stærri 77,4 kWst rafhlöðuna sem er samnýtt með Ioniq 5 og komið fyrir „ljósagrilli“ sem gæti virkað sem eins konar LED samskiptatæki við þá sem eru utan bílsins. Við sáum grill í þessa áttina á Hyundai Seven hugmyndabílnum á bílasýningunni í LA; en það virðist sem framendinn á Ioniq 6 þurfi töluverða endurvinnslu til að búa til pláss fyrir þannig útfærslu.
Blaðið sagði að framleiðslan muni hefjast í maí eða júní á þessu ári, sem kemur í ljós á réttum tíma. Það eru líka tvær kynningarmyndir með „parametric pixel“ hönnunareinkennum Ioniq farartækja, önnur með pixlum í neðri framhliðinni sem gæti verið „ljósagrillið“, hin af spoilernum fyrir ofan hallandi lokið að aftan.
„Rafmagnaði gufubáturinn“ frá Hyundai, eins og Autoblog kallar nýja bílinn, mun koma með 215 hestafla eins mótors aflrás að aftan eða 308 hestafla tveggja mótora fjórhjóladrifs gerð, sú hagkvæmasta af þeim sem lofar drægni yfir 480 km.
(frétt á vef Autoblog)
Þessu tengt:
Aðrar umfjallanir
Skoda er að búa sig undir markaðssetningu fjórðu kynslóðar Fabia. Þessi mynd af bílnum að mestu falinn á bak við reyk er sú fyrsta opinbera sem sýnir útlitið...
Daimler og kínverski samstarfsaðilinn Geely hafa kynnt nýjan rafknúinn jeppa fyrir vörumerkið Smart sem fer í fjöldaframleiðslu á næsta ári...
Bílaframleiðendur leggja oft mikla áherslu á að koma með grípandi nafn á nýjar gerðir sínar...