Geta Eco-dekk sparað peninga í eldsneyti?
Framleiðendur „eco dekkja“ lofa sparnaði á eldsneyti, en virka þau virkilega?
Stutta svarið er: ekki mikið!
Það er alltaf verið að leita leiða til að spara peninga í útgerð bíla og eftirfarandi grein var á dögunum á vef Car Throttle, skoðum hana nánar:
Það eru nokkrar gerðir sem telja má til þeirra helstu þegar kemur að „grænum dekkjum“ - eins og Michelin E Primacy og Continental EcoContact 6.
Þessi dekk fá „eco“ stimpilinn vegna þess að þau hafa umtalsvert lægri mótstöðu í akstri miðað við hefðbundin dekk, með allt að 30 prósenta lækkun á heildarmótstöðu í sumum tilfellum.
Þessi lækkun veltiviðnáms gæti skilað sér í þokkalegum eldsneytissparnaði, þar sem bíllinn getur ekið lengra með því að nota minna eldsneyti á þessum dekkjum. Hins vegar er stærðfræðin á bak við vistvæn dekk og sparnaðinn frekar flókin.
Fyrrnefnd lækkun á veltimótstöðu jafngildir ekki 30 prósenta sparnaði í eldsneytisnotkun vegna þess að eldsneytisnotkun bíls byggist á ýmsum þáttum, eins og loftmótsstöðu og orkutapi í drifrásum.
Dekk bíls eru aðeins ábyrg fyrir um fimmtungi af heildarorkunotkun ökutækis, sem þýðir að vistvæn dekk skipta aðeins sex prósenta mun á heildareldsneytisnotkun á pappír, sem jafngildir 3,5 prósenta mun þegar kemur að raunverulegum akstri.
Minni dýpt á slitmynstri
Þessi dekk eru oft í upphafi með minni slitlagsdýpt en venjuleg dekk til að lækka mótstöðu þeirra í akstri. Þetta þýðir að slitlagsdýpt mun minnka hraðar en á dæmigerðum dekkjum, sem leiðir til styttri heildarlíftíma og tíðari skipti. Að hafa minni mynsturdýpt gæti einnig haft töluverð áhrif á grip ökutækis, meðhöndlun og hemlun við blautar aðstæður. Það neikvæða við svokölluð vistvæn dekk er kannski ekki virði þess sem lofað er á pappír.
Vistvæn dekk framtíðarinnar kunna að hafa betra jafnvægi á milli frammistöðu á blautu yfirborði og þurru, en í augnablikinu eru þessi dekk ekki besta lausnin til að bæta heildarsparnaðinn.
Það eru nokkrir aðrir hlutir sem er hægt að gera til að nýta dekkin sem best og til að hámarka eldsneytisnýtingu. Haltu dekkjum bílsins á þeim þrýstingi sem mælt er með, þar sem þetta er ókeypis og auðveld leið til að lækka veltiviðnám bílsins og draga úr eldsneytisnotkun. Athugaðu dekkjaþrýstinginn og stilltu að minnsta kosti í hverjum mánuði, eða helst í hverri viku.
Þetta gæti dregið úr heildareldsneytiseyðslu bílsins og einnig bætt viðbrögð í stýrinu, en málamiðlunin verður málamiðlun við þægindi og gæði aksturs og slitlagið í miðju dekksins slitnar hraðar en venjulega.
Þetta þýðir að þú þarft að skipta um dekk fyrr en venjulega, sem hefur augljóslega í för með sér aukinn kostnað. Annað sem þú getur gert er að aka bílnum sjaldnar, þó að þetta sé ekki valkostur fyrir marga ökumenn. Prófaðu að draga úr heildarhraða, lyfta fætinum frá bensíngjöfinni þar sem það er hægt og láta bílinn renna áfram með skriðþunga til að lágmarka sóun á orku.
(byggt á grein á vef CarThrottle)
Fleiri greinar um dekk:
Aðrar umfjallanir
Eins og útlit var fyrir gekk Sébastien Loeb ekkert að halda sig fjarri WRC rallinu. Nú hefur M-Sport tilkynnt að Loeb og Adrien Fourmaux muni keppa í sumar á Ford Puma Hybrid Rally 1 .
Við höfum verið að flytja fréttir af Mitsubishi Outlander, að hann sé að hætta á Evrópumarkaði, og nýr arftaki, Eclipse Cross, muni koma...
Að því er fram kemur í dag á vef Automotive News virðist sem framtíð Mitsubishi Motors í Evrópu sé í óvissu í kjölfar athugasemda forstjóra bifreiðafyrirtækisins...