Hvort sem það er einfalt og hreint, eða dáleiðandi í allri sinni krómuðu dýrð, getur rétta grillið virkilega undirstrikað útlit bíls. Þetta er ein þekktasta sjónræna vísbendingin um hönnun á framenda og jafnvel þótt þú vitir ekki mikið um bíla gætirðu kannast við hestatengd grill fyrstu kynslóðar Mustang eða fræg nýrnalaga grill BMW.

Með einstöku sex gata útliti á grillinu og fjórum framljósum, að vísu bara í eitt ár, fékk 1971 Cuda athygli, jafnvel þegar vélin var ekki í gangi.

Buick kom með fullt af krómuðum gerðum á fimmta áratugnum, en '58-bílarnir voru með nýju „Fashion-Aire Dynastar“ grilli sem var einstakt með 160 krómhúðuðum ferningum sem hannaðir voru til að endurspegla birtu.

Hér er sko alvöru „broskall“ á ferðinni! Það er ekki hægt annað en að brosa til baka.

Útstæður framendi á frambrettunum á Toronado minna mig svolítið á Studebaker Avanti. Framljósin er „falin“ á bak við lokið fyrir ofan grillið þegar þau eru ekki í notkun, svo er bara rétt magn af krómi eða hvað?.

Gælunafnið „Sharknose“  eða „hákarlsnefið“ er af augljósum ástæðum, Graham 1938–40 var ekki aðeins stílhreinn heldur var hann róttækur á sínum tíma. Loftaflfræðileg hönnun Grahams, sérstaklega áberandi grillið, var djörf og ótvíræð. Það reyndist líka vera svolítið of mikið, sem skýrir hvers vegna hönnunin var aðeins notuð í þrjú ár.

Flott útlit án þess að vera með of mikið af krómi. Hver segir að pallbílar geti ekki verið stílhreinir?

Hér var gengið aðeins lengra í hönnuninni en á bílnum hér á undan, grillið er svo sannarlega áberandi!

Hér fer ekki á milli mála að þessi er ítalskur, framendinn á Giulia Veloce er einfaldlega listaverk, enda teiknuð af engum öðrum en Battista Pininfarina. Þetta var ein af síðustu hönnun hans.

Grillið á Camaro Z28 árgerð 1969 (með Rally Sport valmöguleika) er ekki mjög áberandi, en það er mjög flott - sérstaklega þegar ekki er þörf á framljósum bílsins. Þau eru falin á bak við vakúm-stýrða hlera, sem hver um sig er með þremur láréttum rimlum, og einhvern veginn kemur þetta allt vel út.

Hér er einn sem er talinn með þeim klassískari – því XK120 var með frábæra hönnun og var með lóðréttu grilli, útstæðum framljósum og einföldum tveggja hluta stuðara. Hann er hreint út sagt flottur!

Caddy frá 1959 var oft lofaður fyrir goðsagnakennd afturljósin og uggana, en hann var líka flottur að framan, með fullt af framljósum og meira en 100 gimsteinalíkar „kúlur“ á grillinu. 1960 gerðir Cadillac voru með svipaða grillhönnun.

Pontiac framendinn hér er á '66 GTO. Tvískipt, ferhyrnt eggjabakkagrill, tveggja hæða framljós og innbyggð þokuljós eru einfaldlega klassísk.

Áberandi framendi með þungu V-laga grilli og framhallandi að ofan gefur fyrstu kynslóð Riviera sérstakt útlit.

Margir voru hrifnir af framendanum á Plymouth '58, og bílarnir voru flottir löngu áður en ákveðinn rauður Belvedere varð „slæmur“ í unglingahrollvekju níunda áratugarins, sem kallaðist „Christine“. Ekki aðeins eru aðalljósin fjögur með sérstakri umgjörð, grillið er með fullt af krómi án þess að vera óhóflegt, þó það nái niður fyrir stuðarann að númeraplötunni.

Endum hér á einum sem við þekkjum ekki hér á landi. Útlitið minnir á „reiðan“ ránfugl!