15 skemmtileg grill
Það er stundum gaman að vafra á vefnum og skoða hvað aðrar bílavefsíður eru að skrifa um. Hér að neðan má sjá umfjöllun frá árinu 2018 þar sem Jeff Peek hjá Hagerty velti fyrir sér bestu grillunum á bílum á liðnum árum, en stiklum á stóru í textanum og bætum við þar sem þarf.
Hvort sem það er einfalt og hreint, eða dáleiðandi í allri sinni krómuðu dýrð, getur rétta grillið virkilega undirstrikað útlit bíls. Þetta er ein þekktasta sjónræna vísbendingin um hönnun á framenda og jafnvel þótt þú vitir ekki mikið um bíla gætirðu kannast við hestatengd grill fyrstu kynslóðar Mustang eða fræg nýrnalaga grill BMW.
Grillið hér að ofan er á Austin Healey og er svolítið eins og stór „broskall“ – stór brosandi munnur og stór galopin augu 😊
1971 Plymouth Cuda
Með einstöku sex gata útliti á grillinu og fjórum framljósum, að vísu bara í eitt ár, fékk 1971 Cuda athygli, jafnvel þegar vélin var ekki í gangi.
1958 Buick Limited
Buick kom með fullt af krómuðum gerðum á fimmta áratugnum, en '58-bílarnir voru með nýju „Fashion-Aire Dynastar“ grilli sem var einstakt með 160 krómhúðuðum ferningum sem hannaðir voru til að endurspegla birtu.
1959 Austin Healey Sprite
Hér er sko alvöru „broskall“ á ferðinni! Það er ekki hægt annað en að brosa til baka.
1967 Oldsmobile Toronado
Útstæður framendi á frambrettunum á Toronado minna mig svolítið á Studebaker Avanti. Framljósin er „falin“ á bak við lokið fyrir ofan grillið þegar þau eru ekki í notkun, svo er bara rétt magn af krómi eða hvað?.
1938–40 Graham
Gælunafnið „Sharknose“ eða „hákarlsnefið“ er af augljósum ástæðum, Graham 1938–40 var ekki aðeins stílhreinn heldur var hann róttækur á sínum tíma. Loftaflfræðileg hönnun Grahams, sérstaklega áberandi grillið, var djörf og ótvíræð. Það reyndist líka vera svolítið of mikið, sem skýrir hvers vegna hönnunin var aðeins notuð í þrjú ár.
1941 Dodge pallbíll
Flott útlit án þess að vera með of mikið af krómi. Hver segir að pallbílar geti ekki verið stílhreinir?
1951 Ford F1
Hér var gengið aðeins lengra í hönnuninni en á bílnum hér á undan, grillið er svo sannarlega áberandi!
1964 Alfa Romeo Giulia 1600 Spider
Hér fer ekki á milli mála að þessi er ítalskur, framendinn á Giulia Veloce er einfaldlega listaverk, enda teiknuð af engum öðrum en Battista Pininfarina. Þetta var ein af síðustu hönnun hans.
1969 Chevrolet Camaro RS Z28
Grillið á Camaro Z28 árgerð 1969 (með Rally Sport valmöguleika) er ekki mjög áberandi, en það er mjög flott - sérstaklega þegar ekki er þörf á framljósum bílsins. Þau eru falin á bak við vakúm-stýrða hlera, sem hver um sig er með þremur láréttum rimlum, og einhvern veginn kemur þetta allt vel út.
1948–54 Jaguar XK120
Hér er einn sem er talinn með þeim klassískari – því XK120 var með frábæra hönnun og var með lóðréttu grilli, útstæðum framljósum og einföldum tveggja hluta stuðara. Hann er hreint út sagt flottur!
Cadillac árgerð 1959
Caddy frá 1959 var oft lofaður fyrir goðsagnakennd afturljósin og uggana, en hann var líka flottur að framan, með fullt af framljósum og meira en 100 gimsteinalíkar „kúlur“ á grillinu. 1960 gerðir Cadillac voru með svipaða grillhönnun.
1966 Pontiac GTO
Pontiac framendinn hér er á '66 GTO. Tvískipt, ferhyrnt eggjabakkagrill, tveggja hæða framljós og innbyggð þokuljós eru einfaldlega klassísk.
1963–65 Buick Riviera
Áberandi framendi með þungu V-laga grilli og framhallandi að ofan gefur fyrstu kynslóð Riviera sérstakt útlit.
1958 Plymouth Fury Golden Commando
Margir voru hrifnir af framendanum á Plymouth '58, og bílarnir voru flottir löngu áður en ákveðinn rauður Belvedere varð „slæmur“ í unglingahrollvekju níunda áratugarins, sem kallaðist „Christine“. Ekki aðeins eru aðalljósin fjögur með sérstakri umgjörð, grillið er með fullt af krómi án þess að vera óhóflegt, þó það nái niður fyrir stuðarann að númeraplötunni.
1934 Brewster Town Car
Endum hér á einum sem við þekkjum ekki hér á landi. Útlitið minnir á „reiðan“ ránfugl!
Fleiri greinar um grill:
Aðrar umfjallanir
MÍLANÓ - Ferrari er að kynna Roma, fimmtu nýju gerðina á þessu ári, þar sem fyrirtækið stækkar flota nýrra bíla til að halda uppi hagnaði sínum...
Næsti C-HR frá Toyota mun koma með tengitvinnútgáfu
Næsta kynslóð Subaru Levorg, var frumsýnd á bílasýningunni í Tókýó. Subaru kallar bílinn tæknilega „frumgerð“ en það er greinilegt að þetta er í grundvallaratriðum bíllinn...
Volkswagen Group er í viðræðum um að eignast franska bílaleigufyrirtækið Europcar Mobility Group í samkomulagi sem myndi gera þýska bifreiðaframleiðandanum...