Með misjöfnum hætti skemmta menn sér en hér er grátbrosleg örfrétt úr Tímanum í ársbyrjun 1961. Segir þar frá manni sem skemmti sér ásamt félaga að nafni Bakkus.
Skjáskot/Tíminn
„Það telst víst ekki til tíðinda þótt menn fagni nýja árinu á vegum Bakkusar konungs og það gerði einn af góðborgurum Hafnarfjarðarkaupstaðar. Fór vel á með Bakkusi og borgaranum, og þar kom, að þeim félögum fannst rétt að bregða sér í ökuferð um nágrennið.
Var þá haldið út og leitað að farkosti. Varð fyrir valinu öskubíll kaupstaðarins, og settist borgarinn undir stýri, en Bakkus við hliðina.
Var síðan ekið vítt og breitt um götur bæjarins og nýja árinu fagnað. En þar kom að öskubíllinn komst í sjálfheldu í umferðinni og komst hvergi. Fundust mönnum þá mikil undur að lyftitæki aftan á bílnum, sem venjulega eru notuð til að lyfta öskutunnum, voru hífð upp og niður í sífellu. Þótti þá vegfarendum, sem raunar undruðust þetta ferðalag öskubílsins, einsýnt, að ekillinn væri „hífaður", og dreif brátt að menn, sem drógu manninn út úr öskubílnum og fluttu hann til síns heima.“
Í svipuðum dúr úr íslenskum sögusarpi:
Aðrar umfjallanir
Sókn Volkswagen í átt að alrafmagnaðri framtíð er þegar hafin með almennum bílum þeirra, en fyrirtækið hefur nú opinberað áætlanir...
Jaguar Land Rover frumsýndi síðdegis í gær, þriðjudag nýjan og endurhannaða útgáfu af hinum geysikraftmikla Range Rover Sport...
Það er margt sem gleður augað á bílasýningunni í Detroit. Fyrir þá sem ekki hafa kost á því að skella sér...
Samkvæmt nýlegri skýrslu um framleiðslu sportbíla í Japan kemur fram að nýi Nissan GT-R verði með brunavél undir húddinu...