Playstation á hjólum?
Samkvæmt nýlegri skýrslu um framleiðslu sportbíla í Japan kemur fram að nýi Nissan GT-R verði með brunavél undir húddinu.
Kraftmikil handsmíðuð brunavél
Nú hafa hins vegar borist fréttir þess efnis, ef marka má vefmiðilinn „Best Car“ að nýr GT-R verði að mestu leyti endurgerð R35 kynslóðarinnar. Þessi aðferðafræði er sú sem menn eru meira og meira að snúa sér að í dag til að geta boðið framleiðslubíla í litlu upplagi án þess að þeir kosti hálfan handlegg.
Áframhaldandi framleiðsla
Greint hefur verið frá því Kazutoshi Mizuno aðalverkfræðingur hönnunar Nissan GT-R hafi verið að þróa milda blendingsútgáfu af sportbíl sem átti að verða hinn nýi R36 bíll. Mizuno hætti hins vegar hjá Nissan og því seinkaði verkefninu. Því er spáð að erfitt verði fyrir Nissan að hætta framleiðslunni á R35 árið 2022 eins og ráð var fyrir gert.
Því má reikna með að allavega ein árgerð enn af hinum goðsagnakennda sportbíl (R35), verði framleidd áður en til kynslóðaskipta kemur.
Enn og aftur, samkvæmt japanska bílavefnum „Best Car“ er sagt að R36 verði framleiðslubíll með hreinni brunavél með öllu því sem núverandi R35 hefur og meiru til.
Það verður hins vegar lítill útlitsmunur á bílunum þar sem svo stutt er á milli framleiðslu þeirra. Nissan áhugamenn muna eflaust eftir hve mikil breyting varð á bílnum í kynslóðaskiptum GT-R á milli R34 og R35.
Bráðum kemur rafmagn
Það kemur svo fram í greininni að aðeins sé mögulegt að nýr GT-R verði búinn bensínknúnum mótor vegna góðrar stöðu Nissan í framleiðslu rafmagns- og blendingsbíla.
Einn rosalegasti sportbíll allra tíma
Að sjálfsögðu, ef satt reynist, þýðir það ekki endilega að R36 verði bensínknúinn um alla framtíð – sérstaklega ekki ef ný kynslóð bílsins verður jafn langlíf og R35. Við megum búast við stöðugri þróun líkt og verið hefur í gegnum árin.
Það er því ekki langsótt að ætla að Nissan GT-R skrímslíð verði rafvæddur innan skamms.
Nissan Skyline GT-R, R34 árgerð 1999.
Nissan GT-R, R35 árgerð 2007.
Nissan GT-R, R35 árgerð 2021.
Vél og tækni:
Vél: 3,8 lítra, V6.
(Byggt á grein Autoblog)
Aðrar umfjallanir
Timbraðir bílar og annað sem stingur í augun ratar stundum á uppboð, einkum í álfu timburmannanna, Norður-Ameríku. Þar byrjuðu menn á því að fara með parketið út úr húsum og utan á bíla. Enginn veit af hverju. Held ég.
Volvo Cars og Geely ætla að sameina núverandi framleiðslu á brunahreyfivél sínum í sjálfstætt fyrirtæki til að koma á fót nýjum alþjóðlegum birgi sem mun leitast við að þróa
Maður sem kallaður er meistari í ökuleikni hefur valdið áhorfendum heilabrotum en að undanförnu hafa birtst myndbönd þar sem hann sýnir hvernig snúa skal við þar sem pláss er lítið. Meira en milljón áhorf eru á þetta daglega en af hverju?
Sólarknúinn rafbíll sem smíðaður er af ástralskum háskóla er kominn í metbækurnar eftir að hafa ekið 1.000 km á innan við 12 klukkustundum á einni hleðslu...