Willys, Bantam-kerrur, dekk og svo margt fleira má sjá á ljósmyndum sem ljósmyndari Life Magazine tók í nóvember 1949 á japönsku eyjunni Okinawa. Myndaserían virðist ekki hafa verið birt í tímaritinu sjálfu á sínum tíma en þær hafa á seinni árum öðlast frægð á vefnum.
Það er því miður ekki margt um myndefnið að segja, þ.e. hvað varð um alla bílana og það sem á myndunum er. Þess vegna ætla ég hér á milli mynda að fjalla örlítið um ljósmyndarann sem myndirnar tók á sínum tíma.
Bandaríski ljósmyndarinn Carl Mydans var fæddur skammt frá Boston árið 1907 og lést í New York árið 2004.
Það var árið 1936 sem Mydans hóf störf hjá Life Magazine og þar kynntist hann blaðakonunni Shelley Smith. Þau gengu í hjónaband árið 1939 og voru fyrstu hjónin sem unnu fyrir tímaritið.
Ljósmyndarinn Carl Mydans árið 1935. Mynd/Wikipedia
Saman ferðuðust Mydans hjónin: Hann myndaði hörmungar seinni heimsstyrjaldarinnar fyrir Life Magazine á meðan hún skrifaði og er sagt að þau hafi ferðast um 72.000 kílómetra í stríðinu.
Árið 1941 voru hjónin tekin til fanga á Filippseyjum og þar (Manila) voru þau í haldi í tæpt ár. Þau voru flutt til Sjanghæ í Kína og voru þar í haldi sem stríðsfangar þar til í desember 1943 en þá var þeim sleppt. Samtals voru þau tvö ár í fangelsi.
Þrátt fyrir þessa erfiðu reynslu í Asíu flökkuðu hjónin um álfuna að stríði loknu og næstu áratugina voru þau á flandri.
Sömuleiðis var Mydans á vettvangi í Kóreustríðinu fyrir Life Magazine og tók ljósmyndir og er óhætt að segja að þau hjónin hafi séð ýmislegt óhuggulegt á ferlinum.
Fleiri áhugaverðir bílakirkjugarðar:
Svo eru það bílarnir sem hafa verið geymdir neðanjarðar:
Aðrar umfjallanir
Hann lítur út eins og Volkswagen enda er þetta Volkswagen. Þó er það engin trygging fyrir því að það sem frá þeim framleiðanda kemur líkist Volkswagen. Ekki minna pylsurnar sem VW framleiðir neitt á það sem maður þekkir sem Volkswagen.
FRANKFURT - Volkswagen Group og Microsoft eru að víkka út samstarf sitt með skýjatækni bandaríska hugbúnaðarrisans...
Önnur kynslóð Nissan Qashqai hefur náð gríðarlegum vinsældum í Evrópu undanfarin ár. Nú þykir sýnt að þriðja kynslóðin líti...
Bentley og Lamborghini fækkaði mjög í heiminum í febrúarmánuði. Í sömu viku brunnu 250 bílar af þessum gerðum og svo voru tveir flattir út í Beverly Hills eins og pönnukökur.