Græni karlinn er sums staðar kona
Gangbrautarljós eru margs konar en það einkennir þau flest að grænt merkir að í lagi sé að ganga yfir og rautt merkir að ekki skuli ganga yfir. Það sem getur verið breytilegt er græni eða rauði „karlinn“. Í Þýskalandi t.d. getur þetta verið karl, kona, álfur, jólasveinn eða eitthvað allt annað.
Hér er eitthvað grænt. Myndir/Wikipedia
Evrópusambandið er að sjálfsögðu með staðlaðan karl. Hann heitir Euroman. Hvort Euroman er í fötum eða ekki skiptir ekki máli en hann er frekar leiðinlegur að sjá og er eins og spýtukarl.
Euroman
„Græni“ karlinn er sums staðar hvítur á grænum grunni o.s.frv.
Í Bandaríkjunum, Kanada, Japan og víðar er ekki endilega karl heldur „WALK“ eða „DON´T WALK“ og eru sekúndurnar taldar niður.
Það tók langan tíma að koma upp gangbrautarljósum hér á landi og nokkuð var um að ekið væri á þau. Fyrirsögn/DV 1976
Frá 1966 til 1976 gerðist fremur fátt í gangbrautarljósamálum á Íslandi en samt eitthvað.
Hér væri hægt að fara betur ofan í saumana á hinum ýmsu sálfræðirannsóknum sem eru að baki gangbrautarljósum um víða veröld en það verður að bíða betri tíma.
Vindum okkur í grænu konuna, rauðu konuna og gangbrautarverurnar sem eru víða um Evrópu.
1996 komu þær fyrstu, gangbrautarkonurnar þýsku, eða Ampelfrau
Svo var það árið 2012 sem þýsku stjórnmálakonunni Christine Hochmuth var nóg boðið og vildi ekki sjá þessar gangbrautarkonur með tíkarspena og í bjánalegu pilsi. Nei, þetta þótti henni hreint út sagt gamaldags og lummulegt.
Ekki nóg með það heldur fannst henni kynjamisrétti felast í öllu heila dótinu eins og má lesa um í þessari grein í þýska blaðinu Der Tagesspiegel. Eins gott að hún komist ekki með krumlurnar í hrúðurkarlana, sú þýska. Það gæti orðið vesen að finna hrúðurkonur en jæja, áfram með umferðina!
Hinsegin og alls konar
Í kringum Gay Pride hafa gangbrautarljósakarlar og konur komið í tjah, ekki öllum regnbogans litum, heldur ýmsum útgáfum t.d. í Köln, Hannover, Vínarborg og svo mætti lengi telja.
Elvis Priesley hefur orðið að gangbrautarljósakarli (sjá forsíðumynd) og sömu sögu er að segja af þeim Marx og Lúther.
GræniKarl Marx og sá rauði.
Lúther var að vísu fremur mislukkaður því hann er illþekkjanlegur í sínum kufli eða hvað serkurinn sá kann að nefnast.
En svona er þetta nú!
Þessu tengt:
Aðrar umfjallanir
Með nýjum B-jeppa Toyota á alþjóðlegu bílasýningunni í Genf í byrjun mars, kemur fyrirtækið fram með...
Norska höfuðborgin hefur sett af stað frumkvæði sem kallast „ElectriCity“ sem felur í sér markmiðið að gera leigubifreiðakerfi sitt losunarlaust árið...
Svo mikil er spennan fyrir rafknúnum pallbílum í Bandaríkjunum að fólk virkilega pantar bara allt heila klabbið; Rivian, Cybertruck, F–150 Lightning, Chevrolet Silverado EV… Já, fólk borgar staðafestingargjaldið og kaupir svo þann sem fyrstur kemur í röðinni. Og biðin virðist endalaus.
Ákaflega gaman er að skoða gamlar hugmyndir manna um bíla framtíðarinnar. Sumt er nokkuð nálægt því sem við þekkjum en annað býsna langt frá veruleikanum og jafnvel svolítið spaugilegt svona eftir á að hyggja.