1932 Duesenberg J Figoni Sports Torpedo valinn „Best of Show“ á Pebble Beach
Dómarar í keppni um fallegasta bílinn á 2022 Pebble Beach Concours d'Elegance veittu hin virtu „Best of Show“ verðlaun (eða „besti bíllinn á sýningunni“) einstökum 1932 Duesenberg J Figoni Sports Torpedo. Þetta er í fyrsta sinn sem amerískur bíll hlýtur titilinn „Best of Show“ síðan 2013 og er sjöundi vinningur Duesenberg merkisins.
Bíllinn er í eigu Lee R. og Penny Anderson og á sér heillandi sögu.
Honum var úthlutað undirvagnsnúmeri 2509 og sendur án yfirbyggingar til Motors Deluxe í París. Þetta var algengt á tímum þegar vagnasmíði blómstraði. Franski vagnasmiðurinn Joseph Figoni setti á þennan Duesenberg einstaka Sports Torpedo yfirbyggingu og skilaði honum til Motors Deluxe eigandans E.Z Sadovich, sem síðan ók bílnum í Paris-Nice rallinu áður en hann afhenti bílinn upprunalegum eiganda sínum; sykurerfingja frá Perú að nafni Antonio Chopitea.
Chopitea sýndi sinn nýja Duesenberg á móti sem haldið var í Cannes og vann Grand Prix. Það sem gerðist næst er enn svolítið á huldu: Það sem er öruggt er að Duesenberg fór til Bandaríkjanna árið 1933 og missti Figoni-hannaða yfirbygginguna á sjöunda áratugnum. Undirvagninn endaði með annarri yfirbyggingu í áratugi á meðan upprunalega yfirbyggingin var sett á annan bíl af gerð Model J, að sögn Hagerty.
Hann lagði gríðarlega mikla vinnu í jafnvel minnstu smáatriði. Hann rakti sérstaklega upp upprunalega sveifarásinn sem settur var í átta strokka línuvélina sem hafði verið komið fyrir í bíl sem staðsettur var í Vancouver. Eigandinn samþykkti að útvega íhlutinn fyrir verkefni Anderson.
Hin magnaða endurreisn skilaði árangri: Model J frá Anderson sigraði 39 aðra bíla þegar hann var valinn sá besti á Pebble Beach sýningunni, sem margir í fornbílaheiminum telja eftirsóttustu verðlaunin.
„Allur undirbúningurinn — sagan á bakvið þennan bíl er bara mögnuð. Það er bara einn Figoni Duesenberg, alltaf, og það er þessi hérna. Svo, það er eins og allir þessir hlutir samankomnir búi til alvöru meistara. Við erum svo spennt,“ sagði Anderson.
Listinn yfir þá sem tilnefndir voru Best of Show innihélt einnig 1937 Talbot-Lago T150C-SS Figoni & Falaschi Teardrop Coupé, 1930 Duesenberg J Graber Cabriolet, og 1951 Talbot-Lago T26 Grand Sport Stabilimenti Farina Cabriolet. Svona til „huggunar“ náði 1937 Talbot-Lago fyrsta sæti í lokuðum European Classic flokki, 1930 Duesenberg vann Graber Coachwork Early class og 1951 Talbot-Lago vann fyrsta sæti í Talbot-Lago Grand Sport flokki.
Þessu tengt:
Aðrar umfjallanir
Ford er að bæta við sex strokka túrbódísil útgáfu af næsta Ranger pallbíl í viðleitni til að laða að fleiri viðskiptavini í Evrópu og öðrum alþjóðlegum mörkuðum.
Háleitar voru þær, hugmyndir manns um fyrsta bílinn. Svo eignaðist ég nú bara Fiat Uno 60 ´87 árgerð en það var ágæt byrjun. Byrja á einhverju mjög lélegu. En af þeim bílum sem mig langaði að eignast sem 17 ára gemlingur þá hef ég nú eignast nokkra þeirra eftir að ég varð stór.
„The snow must go on,“ segja þeir í Austurríki sem svellkaldir halda árlega GP Ice Race og hafa gert í rúm 40 ár. Viðburðurinn hefur laðað að um 10.000 gesti en í fyrra og í ár voru engir áhorfendur á staðnum. Þetta var bara á netinu. Fúlt en ekki eins kalt samt…
Honda hefur frumsýnt nýjan Honda HR-V, þriðju kynslóð japanska þessa snaggaralega sportjeppa - og hann er nú kominn í fyrsta sinn með tvinndrifrás, eða hybrid...