Ný opin útgáfa af Aygo X
Ný Toyota Aygo X Air Edition með opnanlegum tautoppi kynntur
Aftur hægt að aka með opinn topp í minnsta bíl Toyota með nýjum Aygo X Air Edition
Toyota hefur „opnað lokið” á Aygo X Air Edition, sérútgáfu af litla borgarbílnum sem er með rúlluþaki sem staðalbúnað. Samkvæmt frétt á vef Auto Express geta viðskiptavinir á Bretlandi pantað þessa gerð af Aygo X í takmörkuðum fjölda og eingöngu á netinu á verði frá 19.045 pundum eða sem svarar kr. 1.668.675 á gengi dagsins.
Okkur fannst þetta skemmtileg útgáfa af Ayogo X svo við látum þetta fylgja með hér á vefnum okkar.
Air Edition er ekki fyrsti bíllinn sem við sjáum rafdrifið útdraganlegt þak á Aygo, en fyrri kynslóð bílsins bauð upp á þetta á árinu 2015. Þó að þessi útgáfa af bílnum sitji efst í Aygo X línunni er Air Edition byggð á Edge-gerðinni sem í raun er í miðju framboðsins. Þetta þýðir að það er átta tommu skjár með Apple CarPlay og Android Auto tengingu, USB tengi, sjálfvirkar þurrkur, raddgreiningu, bakkmyndavél og bílastæðaskynjarar að framan og aftan sem staðalbúnaður.
Toyota Aygo X Air Edition er fáanlegur í fjórum mismunandi litum- Juniper Blue, Chilli Red, Ginger Beige og Cardamom Green.
Ginger Beige er hér efst á vefnum en hinir þrír koma svo hér að neðan.
Toyota hefur einnig látið Air Edition fá nokkrar útlitsbreytingar. Það eru 18 tommu mattsvartar álfelgur og framstuðari, hliðarsílsaáfellur og hjólbogar eru í öðrum lit en bíllinn sjálfur. Þetta hönnunarþema heldur áfram í innréttinguna með áherslum sem birtast á sætum, sílsaáfellum, stýri, gírstöng og miðjustokknum.
Air Edition gerðin bætir einnig við fjölda öryggis- og ökumannsaðstoðarkerfa, svo sem viðvörun fyrir hættu á árekstri, stýrisaðstoð, aðlagandi hraðastilli, akreinaaðstoð og umferðarmerkjagreiningu.
Eins og restin af Aygo X línunni kemur Air Edition með 71 hestafla, 1,0 lítra þriggja strokka vél. Það er líka fimm gíra beinskiptur gírkassi eða sjálfvirk CVT-skipting - sá síðarnefndi hækkar verðið upp í 20.225 pund. CVT lækkar einnig tímann í 0 til 100 km/klst um 0,1 sekúndu í 14,8.
(frétt á vef Auto Express)
Aðrar umfjallanir
Samkvæmt frétt á þýska bílavefnum Automobilwoche er sænski bílaframleiðandinn Volvo Cars að byrja stefnumótandi samstarf á sviði...
Það er alltaf gott þegar panda gefur tóninn fyrir daginn. Það boðar oftast góðan dag. Þessi Panda hér er dálítið spes en einu sinni var hún bara alveg eins og aðrar fjórhjóladrifnar Pöndur. Svo var nú einu og öðru breytt og útkoman er hressileg!
Jean Todt, fráfarandi forseti Alþjóðaakstursíþróttasambandsins (FIA) fékk veglega gjöf á árlegu lokahófi og verðalunaafhendingu FIA í gærkvöldi. Gjöfin samanstóð af árituðum keppnishjálmum ökumanna í Formúlu 1. Hrærður mjög yfir þessari fallegu gjöf, þakkaði hann fyrir sig á Twitter. Það var kannski ekki svo góð hugmynd.
Volkswagen hefur verið að prófa nýja Tiguan og þessar nýjustu myndir á vef Auto Express sýna vel nýja bílinn sem er að vísu ekki ráðgerður fyrr en 2024.