Andlitslyfting á nýjum 2023 Volkswagen ID.3 sést í fyrsta skipti
Alrafmagnaði Volkswagen ID.3 er að fá endurnýjun á miðjum framleiðslutíma og „uppfærði“ bíllinn kemur seinna á þessu ári
Volkswagen er að leita að því að uppfæra allra fyrstu rafknúnu ID.-gerðina sína - ID.3 - fyrir árið 2023.
Þessar fyrstu myndir af andlitslyftum VW ID.3, sem ýmsar bílavefsíður hafa verið að birta, staðfesta að breytingar í hönnun sem þegar hafa verið sýndar lítillega á opinberri kynningarmynd VW eru líklegar til framleiðslu.
ID.3, sem var hleypt af stokkunum árið 2019, var keppinautur í Golf-stærð eins og Nissan Leaf og Kia Niro EV, með smá breytingu í hönnun VW að innan sem utan.
![image](https://img.bilaskra.is/images/1674751210_2375954273793620762_28377115118428251.jpg)
Rétt eins og opinberu kynningarmyndirnar sem VW birti síðla árs 2022 mun framendinn bjóða upp á endurskoðaðan stuðara með nýjum loftinntökum til hliðar.
![image](https://img.bilaskra.is/images/1674751212_5263468434941745593_28377117046310630.jpg)
Nokkrar verulegar breytingar verða á innviðum ID.3 árið 2023. Þótt almennt útlit verði það sama, þá getum við séð nýja hönnun fyrir loftopin í mælaborðinu ásamt uppfærslu fyrir tæknina um borð.
![image](https://img.bilaskra.is/images/1674751214_7640786053314734986_28377119027100440.jpg)
10 tommu miðlægum upplýsinga- og afþreyingarsnertiskjá núverandi bíls verður skipt út fyrir 12 tommu skjá (sama og boðið er upp á í ID.4) með nýju stjórnkerfi.
Eiginleikar eins og Travel Assist og Park Assist Plus verða aðgengilegir sem aukahlutir og af kynningarmyndum að dæma má búast við nýjum sprettiskjá í sjónlínu ökumanns.
Miðjustokkurinn verður einnig endurhannaður og með tveimur bollahöldurum.
![image](https://img.bilaskra.is/images/1674751215_3223213332839345576_28377120509741896.jpg)
Volkswagen segir að nýi ID.3 sé „útbúinn með nýjustu hugbúnaðarkynslóðinni, sem bætir afköst kerfisins og getur tekið á móti þráðlausum uppfærslum“.
Ekki er ljóst hvort nýi bíllinn muni bjóða upp á betri drægni og afköst, þó að endurskoðuð ytri hönnun ætti að hafa áhrif á skilvirkni á einhvern hátt.
Volkswagen framleiðir ID.3 í verksmiðjum sínum í Zwickau og Dresden í Þýskalandi, en með uppfærðri gerð verður framleiðslan líka færð í verksmiðju VW í Wolfsburg til að mæta eftirspurn.
(vefsíður Auto Express, Motor1, Topelectrics ofl).
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1652434809_5786944767379850218_6060714442851350.jpg)
Í júní mánuði voru nýskráðir 390 rafbílar og þar af nýskráði Brimborg 55 Polestar rafbíla sem gerir hann að mest selda rafbílnum í júní með 14,1% markaðshlutdeild...
![](https://img.bilaskra.is/images/1640025611_7935685908223591817_593648430756660.jpg)
Það var svo einhverntímann þegar Dick Teague sat í flugvél yfir Bandaríkjunum að hann teiknaði frumdrög bílsins aftan á ælupoka. Hann einfaldlega...
![](https://img.bilaskra.is/images/1638481208_6909347717705163846_6055808813975971.jpg)
Pontiac Firebird er einn ástsælasti sportari sem framleiddur hefur verið í Bandaríkjunum. Bíllinn sá tórði í fjórar kynslóðir frá 1967 til 2002. GM setti bílinn á markað...
![](https://img.bilaskra.is/images/1612440178_2845719644650742172_1600126345000.jpg)
Automotive News Europe segir í dag frá því að Jaguar Land Rover tapaði dómsmáli Bretlandi um að fá vörumerkjaréttinn fyrir útlit gamla góða Land Rover...