Skortur á tölvukubbum stöðvar bílaframleiðslu
- Ford, Audiog Daimler draga úr framleiðslu í Þýsklandi vegna skorts á tölvukubbum
Ford Motor, Daimler og Audi eru meðal bílaframleiðenda sem líkt og Volkswagen sem hafa þurft að draga úr framleiðslu í verksmiðjum í Þýskalandi vegna skorts á tölvukubbum á heimsvísu.
Ford sagði að hætt verði við framleiðslu Focus í verksmiðjunni frá 18. janúar til 19. febrúar. „Þegar við hefjum framleiðslu á ný verður forgangsverkefni okkar að smíða ökutæki sem viðskiptavinir hafa þegar pantað,“ sagði fyrirtækið í tilkynningu með tölvupósti.
Ford mun setja verksmiðju sína í Saarlouis í Þýskalandi í hægagang í mánuð frá og með næstu viku vegna skorts á hálfleiðurum.
Audi mun setja starfsmenn í verksmiðjum sínum í Ingolstadt og Neckarsulm í styttri vinnudaga frá og með næstu viku til 29. janúar. Framleiðsla A4 og A5 bílanna verður fyrir áhrifum. Ástæðan er „gífurlega takmarkað framboð hálfleiðara,“ sagði Audi.
Framleiðslustöðvunin hefur ekki áhrif á framleiðslu Q2 og A3 í Ingolstadt. Þetat hefur heldur ekki áhrif á framleiðslulínur fyrir A6, A7, A8, R8 og Audi e-tron GT í Neckarsulm, sagði Audi.
Audi fækkar einnig vöktum tímabundið í verksmiðju sinni í San Jose Chiapa í Mexíkó vegna skorts á framboði á hálfleiðurum í bílana.
Daimler er einnig að draga úr framleiðslu Mercedes vegna framboðsvandamála en segist ætla að forgangsraða framleiðslu á rafbílum sínum og bílum með góða framlegð eins og S-Class.
Fyrirtækið mun draga úr framleiðslu í bílaverksmiðjum sínum í Rastatt og Bremen í Þýskalandi og í Kecskemet í Ungverjalandi.
"Við erum í nánum, daglegum samskiptum við viðskiptavini og birgja okkar um þetta og erum að vinna að því að bæta framboðið", sagði Bosch.
Þýski ljósa- og rafíhlutaframleiðandinn Hella sagðist hafa þurft að stöðva nokkrar framleiðslulínur.
Bílaframleiðendur skáru niður pantanir á örflögum þegar verksmiðjum var lokað og eftirspurnin minnkaði vegna kórónavírus í fyrra.
Iðnaðurinn sýnir batamerki en bílaframleiðendur og birgjar keppa við snjallsímaframleiðendur eins og Apple og Samsung sem hafa aukið pantanir sínar á örflögum.
(Nick Gibbs hjá Automotive News Europe, Reuters og Bloomberg)
Aðrar umfjallanir
Við höfum nokkrum sinnum fjallað um verkefni manns nokkurs sem virðist hafa einsett sér að gera allt annað en rafbíl úr Teslum, ef svo má segja. Honum er eitthvað í nöp við hugmyndafræðina að baki rafbílnum en virðist þó dýrka og dá yfirbygginguna.
PARIS – Arftaki Citroen C4 Cactus verður tilbúinn fyrir pantanir í júní, sagði forstjóri Citroen, Vincent Cobee nýlega...
Framljósin sem kallast hafa „pop-up“, „flip-eye“ eða „hidden-headlights“ settu sannarlega svip sinn á bíla, einkum sportlegri bíla, hér á árum áður. Þessi hönnun ljósa fór bílum misvel en hér er listinn minn yfir flotta og ekki svo flotta bíla með „pop-up“ ljósum.
Það var iðulega fremur tómlegt í húsnæði Sölunefndar varnarliðseigna á Grensásvegi númer 9 - alla vega í minningunni. Sápulykt í bland við útlandalykt sem svo blandaðist „bílalykt“.