Landrover eigendur vinka hvor öðrum þegar þeir mætast
Nýliðna helgi héldu Landrover eigendur sína árlegu sumarhátíð í Húnaveri. Það var margt um manninn og margt að gerast enda fjölmargir í klúbbnum Íslandrover sem létu sjá sig í ferðinni og viðruðu fáka sína.
Við hjá Bílabloggi fengum boð í ferðina og flutum með með þeim feðgum Árna Árnasyni og Árna Hauki Árnasyni sem nýverið lauk námi í bifvélavirkjun og er að gera upp 1965 módel af Land Rover. Farskjóti okkar var 2006 árgerð af 38 tommu breyttum Land Rover Defender og fór vel um okkur í ferðinni.
Ekki síst til að deila reynslu og upplýsingum. Einnig fara félagsmenn í vetrarferðir þar sem beinlínis er gert ráð fyrir að eitthvað bili og að ófærð sé sem mest. Formaður klúbbsins er Bjarni Sigurðsson.
Hvutti ánægður fyrir framan þennan flotta nýuppgerða Range Rover.
Jónas Gunnarsson forsvarsmaður Samgöngusafnsins í Stóragerði tekur við Íslandrover fána frá formanni Íslandrover, Bjarna Sigurðssyni.
Aðeins um Land Rover
Kynning á Land Rover markaði nýja byrjun í nýju húsnæði fyrirtækisins Solihull og áhugi stjórnenda fyrir bifreiðinni var slíkur að hann rýmkaði áætlanir sínar fyrir áætlaða M1 „mini“ bíl sinn sem hafði náð frumgerðarstigi árið 1946 , í þágu nýliðans.
Hér má sjá allra fyrstu frumgerð Land Rover, byggð á grind ameríska herjeppans, en að öðru leyti smíðaður úr hlutum sem voru til staðar í verksmiðjum Rover. Þessi gerð var með stýrið í miðju, eins og dráttarvél, þannig að ekki þyrfti að aðlaga bílinn að vinstri, eða hægri handar akstri. En þessi lausn sást aðeins í þessari frumgerð sem kölluð hefur verið „Center Steer“.
Og hér er önnur gerð af þessari frumgerð inni á gólfi í verksmiðjum Rover.
Hér má lesa söguna af Land Rover í heild sinni.
Ungt fólk á öllum aldri
Í Íslandrover klúbbnum eru bæði konur og karlar. Gaman er að sjá hvað ungu konurnar eru að koma sterkar inn í bílaheiminn, fullar af áhuga og þekkingu.
Farið var í heimsókn á Samgöngusafnið að Stóragerði í Skagafirði og áð þar um stund og þar var drukkið kaffi og boðið upp á meðlæti, vöfflur með rjóma. Á safninu úði og grúði af allskyns samgöngutækjum bæði frá fyrri tímum og til dagsins í dag. Gaman var að sjá hversu margar nýlegar bifreiðar eru á safninu ásamt gömlum og vel uppgerðum bílum af öllum gerðum. Einnig má sjá sýningarstanda með tengingu við almenningssamgöngur og búninga bílstjóra.
Seinnipartinn var farið í leiki þar sem allir gátu tekið þátt. Um var að ræða hið árlega stígvélakast ásamt því að reyna að kasta startara sem lengst. Auðvitað velja menn gripi sem hendi eru næstir á svona mótum.
Um kvöldið var grillað við gamla hlöðu við Húnaver og hópurinn snæddi saman í góðu tómi þar sem allir léku við hvern sinn fingur.
Kvikmyndagerð, myndataka og eftirvinnsla: Dagur Jóhannsson
Aðrar umfjallanir
Flestir sem áhuga hafa á bílum þekkja hin vinsælu bílamódel frá Corgi, sem hafa glatt marga í marga áratugi, en þessir lítlu bílar...
Áttatíu ár eru ansi stór áfangi hjá öllum og þegar Jeep vörumerkið náði þessum stóra 80 ára áfanga árið 2021 var augljóst að sérstök útgáfa nú eða tvær væri...
Núna á laugardaginn 16. febrúar, frá 12 - 16 verður hin árlega jeppasýning Toyota haldin í Kauptúni.
PARÍS - Renault hefur tilkynnt verð sem byrjar á 21.350 evrum (um 3,5 milljónir ISK) fyrir rafknúna útgáfu af Twingo smábílnum sem fer í sölu í Frakkalndi frá og með haustinu...