Fyrirtækið að baki sýningarskálanna í Genf vill vera með bílasýningu árið 2021

• Stjórnandi Palexpo-sýningarsvæðisins segir að minni sýning sé betri en alls engin sýning

Fyrirtækið sem rekur Pelaexpo-sýningarskálana í Genf vill setja upp bílasýningu árið 2021 þrátt fyrir að skipuleggjendur hafi hætt við viðburðinn.

Sýningin í Genf hefur orðið fyrir barðinu á innri sviptingum síðan atburðinum 2020 var aflýst skyndilega í mars þar sem ljóst var hversu alvarlegur kórónavírus-faraldurinn var að verða.

Sýningunni 2021 aflýst vegna lítils áhuga

Skipuleggjendur Alþjóðlegu bílasýningarinnar í Genf (GIMS) tilkynntu í síðustu viku að þeir myndu aflýsa viðburðinum 2021 vegna skorts á áhuga meðal bílaframleiðenda. Á blaðamannafundi á mánudag sagði stofnunin sem sett var á laggirnar til að keyra sýninguna að hún myndi leitast við að selja viðburðinn til Palexpo fyrir 15 milljónir svissneskra franka.

Membrez sagði að allar ákvarðanir um að kaupa sýninguna yrðu teknar af stjórn Palexpo sem hann bjóst við að þeir myndu funda á næstu tveimur vikum til að ræða það. Palexpo er nú með samning við GIMS um að sviðsetja atburðinn sem stendur fyrir um þriðjungi af árstekjum Palexpo-sýningarmiðstöðvarinnar.

Palexpo var reist árið 1981 til að hýsa bílasýninguna og miðstöðin hefur stækkað í 106.000 fermetra frá þessum tíma eftir því sem sýningin varð stærri.

Án bílasýningarinnar er sýningarhöllin of stór

Palexpo er 80 prósent í eigu stjórnvalda í Genf. Þar á bæ hafa menn verulegan áhuga á að sjá sýninguna koma aftur árið 2021 vegna mikillar tekjumöguleika fyrirtækjanna á staðnum. Neitun GIMS um að setja upp sýningu 2021 var ástæðan fyrir því að það hafnaði 17 milljóna franska tryggingaláni frá stjórnvöldum í Genf, sem hafði gert sviðsetningu sýningar árið 2021 að skilyrði lánsins.

GIMS hefur sagt að það hafi viljað nota 11 milljónir franka af láninu til að endurgreiða sýnendum sem voru skildir eftir þegar atburðurinn árið 2020 fór ekki fram. Membrez sagði að GIMS hefði getað endurgreitt sýnendur ef það hefði samþykkt lánið. "Þeir neituðu láni. Það er virkilega ruglingslegt," sagði hann.

Miklu minnri sýning gæti flýtt fyrir endalokum bílasýningarinnar, sagði forstjóri GIMS, Sandro Mesquita, við Automotive News Europe í maí: „Það er mikilvægt að næsta sýning sé góð og ekki lítil, minni,“ sagði hann . „Það er ekki það sem vörumerkin eiga von á, ef þau koma til Genf er það vegna þess að þetta er stór alþjóðleg bílasýning og ekki lítil svæðisbundin sýning“.