Nýr Hyundai Ioniq 5 rafknúinn sportjeppi forkynntur með sláandi hönnun frá hugmyndabíl
- Væntanlegur Ioniq 5 sem verður keppinautur Volkswagen ID.4 er með mörg hönnunarþemu frá Hyundai 45 Concept
Hyundai hefur boðið upp á spennandi forkynningu á nýjum Ioniq 5 rafknúnum sportjeppa. Bíllinn verður fyrsti framleiðslubíllinn frá kóreska merkinu til að nota nýja E-GMP grunninn fyrir rafbíla og bera Ioniq merkið á nýja rafknúna undirmerki fyrirtækisins.
Bíllinn verður afhjúpaður að fullu í febrúar, en sjá má að framendinn á 45 Concept er hér kominn með áberandi ferköntuðum framljósum, en lág vélarhlífin setur sinn svip á útlitið.
Stórar 20 tommu felgur eru hér, en afturendinn er næstum alveg eins og hugmyndabíllinn frá 2019. Breytingar á útliti á framstuðara og afturstuðara virðast vera einu augljósu breytingarnar.
„Frá og með Ioniq 5 mun lína rafbíla okkar endurskilgreina samband fólks og bíla þeirra og skapa nýjan staðal sem öll hönnun verður byggð á,“ sagði SangYup Lee hönnunarstjóri Hyundai.
Flestar upplýsingar um tækni bílsins hafa ekki verið kynntar ennþá en Hyundai hefur gefið í skyn hraðhleðslugetu. Tengdu Ioniq 5 í nógu hratt hleðslutæki og hægt er að bæta 100 kílómetrum við akstursviðið á fimm mínútum.
Enn á eftir að staðfesta upplýsingar um afköst og getu en Hyundai Group hefur áður sagt að sambærilega stór rafknúinn jeppi Kia muni vera með akstursvið um 480 km auk tíma á endurhleðslu rafhlöðu undir 20 mínútum.
Á bílasýningunni í Frankfurt 2019 fór SangYup Lee, aðalforstjóri Hyundai og yfirmaður hönnunar, í gegnum innréttingar 45 hugmyndabílsins. Hann minntist á hvernig 1974 Pony Coupe hefði veitt innblástur um smáatriði eins og stafræna tækjabúnaðinn, áklæði og merki og sagði:
(Auto Express)
Aðrar umfjallanir
Toyota mun smíða rafbíla í Bandaríkjunum þegar árið 2025 í verksmiðju sinni í Kentucky, sem er nú stærsta framleiðslustöð fyrirtækisins á heimsvísu...
Bílgreinasambandið hefur birt tölur yfir bílasöluna á árinu 2019. Af einstökum tegundum þá er Toyota söluhæst, í öðru sæti er Kia og...
Er það nú eitthvað merkilegt? Já, það er nefnilega hægara sagt en gert að skipta um olíu og svoleiðis á ID.3.
Við höfum áður fjallað um hugmyndabílinn Polestar Precept hér á Bílabloggi, en þá var ekki vitað hvort hann væri á leið í framleiðslu eða ekki...