Mitsubishi mun draga úr viðveru í Evrópu í „lítið en fallegt“ framboð

Mitsubishi Motors mun hafa minni viðveru í Evrópu þar sem fyrirtækið endurstillir heimsmarkaði sína til að draga úr kostnaði í kjölfar faraldurs kórónavírus

Áætlanir gengu ekki eftir

Fyrri vaxtaráætlun Mitsubishi fyrir markaði eins og Evrópu og Kína sem gerð var grein fyrir á fjárhagsárinu 2017 leiddi til 30 prósenta hækkunar á nýjasta fjárhagsárinu sem lauk 31. mars samanborið við fjögur ár áður en hafði ekki skilað hagnaði, sagði Kato.

Stefnan þýðir að Mitsubishi gæti einnig dregið úr viðveru sinni í Bandaríkjunum Þrátt fyrir að Kato hafi ekki nefnt Norður-Ameríku eða Bandaríkin með nafni staðfesti fyrirtækið að það telji Bandaríkin stóran markað.

Einbeita sér að markaði í Asíu

Mitsubishi mun einbeita sér að arðbærum viðskiptum sínum í löndum sem mynda Samtök suðaustur-asískra þjóða (ASEAN), þar á meðal Tæland og Indónesía.

Mitsubishi flytur út L200 pallbílinn til Evrópu frá Tælandi og bendir til að gerðin gæti haldið áfram í sölu hjá evrópskum umboðum.

Ætluðu að auka hlut sinn árið 2019

Mitsubishi gaf til kynna að fyrirtækið vildi efla starfsemi sína í Evrópu árið 2019 þegar það stofnaði nýtt fyrirtæki til að hafa umsjón með svæðisbundinni sölu eftir reiða sig á innflytjendur á staðnum til margra ára.

Outlander mest seldi tengitvinnbíllinn (PHEV)

Mitsubishi náði forystu í tengitvinnbílum með Outlander millistærðar sportjeppa, sem kom á markaðinn árið 2014. Hann var mest selda tengitvinnbifreið Evrópu fyrstu fjóra mánuðina þrátt fyrir aukna samkeppni um komu fleiri slíkra bíla frá öðrum bílaframleiðendu,.

Samkvæmt stefnu Renault-Nissan bandalags varðandi leiðandi fyrirtæki, hefur Mitsubishi aðalmerkið fyrir tengitvinnbíla í minni- og miðstærð bíla, þó að það sé ekki ljóst hvernig þetta mun halda áfram ef Mitsubishi færir þróunaráherslur sínar í átt til einfaldari pallbíla á grind.

‍