Rafknúinn lítill sportjeppi frá Smart væntanlegur á næsta ári
- Nýr rafknúinn sportjeppi mun koma frá nýrri kínverskri framleiðslulínu á næsta ári - fyrsti bíllinn frá Smart sem kemur eftir nýtt samstarf Daimler-Geely
Þetta nýbyrjaða ár virðist fara hægt af stað með fréttum af nýjungum á bílamarkaði, en þó hafa nú borist fréttir af nýjum „smájeppa“ frá Smart sem er væntanlegur árið 2022.
Bílaframleiðsla Smart hefur verið í fréttum vegna þess að verið er að flytja framleiðsluna frá núverandi verksmiðjum í Frakklandi, þar sem nýi Grenadier-jeppinn verður framleiddur í staðinn.
Smart hefur staðfest að það ætli að koma fyrsta jeppanum sínum á markað árið 2022 með því að nota nýjan grunn rafbíla sem er þróaður af kínverska risanum Geely.
Þetta er fyrsta stóra kynning á nýjum bíl frá Smart síðan Daimler, móðurfyrirtæki Mercedes, og Geely sem er eigandi Volvo, stofnuðu nýtt alþjóðlegt sameiginlegt verkefni fyrir vörumerkið Smart snemma árs 2020.
Samkvæmt bloggfærslu á netvefnum Linkedin frá varaforseta alþjóðlegrar sölu Smart, Daniel Lescow, mun nýja gerðin sýna að fyrirtækið yfirgefi meginreglu sína varðandi litla bíla - hann verður „strax auðþekkjanlegur“ sem Smart, með ytri mál „ofursmábíls“ sem sameinar snjalla notkun á innra rými.
Hannaður af Benz
Bíllinn verður hannað af Mercedes-Benz með verkfræði- og þróunarvinnu sem Geely sér um. Hann verður smíðaður í Kína með kínverskan markað í huga en Lescow lofar að bíllinn muni einnig koma á evrópska markaði með fimm stjörnu öryggisstig Euro NCAP.
Sem slíkur myndi nýi Smart rafknúni jeppinn koma fram sem keppinautur fyrir Peugeot e-2008 og DS 3 Crossback E-Tense.
Nýr grunnur fyrir alla komandi bíla Smart
Bíllinn verður smíðaður á glænýjum Geely þróuðum vettvangi sem kallast „Sustainable Experience Architecture“ (SEA) og mun styðja alla næstu kynslóð bíla frá Smart og fjölmargar gerðir frá átta öðrum vörumerkjum Geely. Það deilir þætti hönnunar sinnar með hinum þekkta CMA grunni sem liggur til grundvallar Volvo XC40 og Polestar 2.
Geely lýsir SEA-pallinum sem mjög stigstækkandi og fullyrðir að hann henti ökutækjum allt frá borgarbílum í A-hluta upp í stóra E-flokks fólksbíla. Einnig er verið að þróa minni afbrigði léttra atvinnubíla á grunninum með aldrifi.
Helstu forskriftir hafa ekki verið gefnar upp, en í stærstu og fullkomnustu útgáfunni mun SEA grunnurinn styðja rafbíla sem geta farið yfir 700 km á einni hleðslu, og með loforði um þráðlausar uppfærslur og næstu kynslóð sjálfstæðrar ökumannsaðstoðartækni.
(Byggt á frétt á vef Auto Express)
Aðrar umfjallanir
Langlífi Volkswagen Bjöllunar var eitt af því sem gerði hana merkilega en VW ætlaði ekki að framleiða bílinn eins lengi og raunin varð...
Það ætti ekki að koma á óvart, en Volvo hefur unnið flest IIHS Top Safety Pick+ verðlaun allra bílaframleiðenda árið 2022. Top Safety Pick+ er aðalverðlaun...
Það lítur út fyrir að Stálstýrið, viðurkenning Bandalags íslenskra bílablaðmanna hefur veitt fyrir „bíl ársins á Íslandi“ verði afhent núna í síðast sinn...
Síðasti kubburinn rataði á sinn stað í gær og þar með var hann tilbúinn: Stærsti Formúlu 1 Legobíll í heimi.