Góð frá FÍB varðandi kulda og rafbíla

Kuldakastið undanfarna daga hefur verið mörgum erfitt, en þá einkumm eigendum rafbíla sem varða óneitanlega varir við að drægni þeirra minnkar í svona langvarandi kuldatíð

Félag Íslenskra bifreiðaeigenda, FÍB, birti á vef sínum góð ráð til eigenda rafbíla og gefum þeim orðið:

Í grunninn eru tvær megin ástæður fyrir því að drægni rafbíla er ekki sú sama yfir veturinn eins og yfir sumarið.

Nokkur atriði sem geta hjálpað til við að ná betri drægni á rafbílnum.

• Tökum áætlaða drægni sem birtist í mælaborði með fyrirvara. Sú tala er byggð á fyrra aksturlagi og aðstæðum. Hægt er að ná raunhæfari áætlun með því að taka kílóvattstunda notkun á hverja ekna 100km (kWh/100 km) og deila því með stærð rafhlöðunnar í bílnum. Sem dæmi þá er orkueyðsla bílsins 23kWh/100 km og stærð rafhlöðunnar 64kw. Því deilum við 64 með 24 og marföldum með 100 km (64/23)*100 = 278 km áætluð drægni miðað við uppgefnar forsendur. Ath. nothæf rýmd á drifrafhlöðunnar getur verið 95-99% af raunstærð.
• Sparnaðarstilling er á flestum ef ekki öllum rafbílum. Með því að stilla á sparnaðarstillingu (e. Eco mode)  dregur bíllinn meðal annars úr orkunotkun á drifmótor og miðstöð. Þetta hjálpar til við að ná aukinni drægni en bíllinn gæti verið kraftminni fyrir vikið og miðstöð ekki hitað jafn vel.
• Hleðslubremsan (e. regenerative braking) er góð leið til að ná betri drægni og spara hemlanotkun. Hleðslubremsan sér um að virkja orkuna sem myndast við hægja á bílnum og koma henni aftur inn á rafhlöður bílsins í stað þess að hún glatist sem hiti í gegnum bremsur bílsins.
• Kynding eins og miðstöð og sætishitarar eru einn allra orkufrekasti búnaður bílsins fyrir utan drifmótorinn sjálfan. Notum hita í sætum og stýri fremur en að kynda upp allt rýmið. Þá er einnig góð regla að nota forhitunarstillingu á miðstöð sé hún til staðar og hita bílinn upp á meðan hann er í hleðslu.
• Skipuleggjum ferðina – Ef það er stefnt á lengri ferðir út á land þá er gott að kynna sér hvernig veðri má búast við, er mikill vindur, hvernig er hitastigið eða er von á snjókomu? Allir þessir þættir hafa áhrif á raundrægni bílsins. Gott er að kynna sér staðsetningu hleðslustöðva sem eru í boði á leiðinni þrátt fyrir að ekki sé stefnt á að nota þær því það er aldrei að vita hvað getur gerst. Þá getur einnig verið gott að nýta forhitunarmöguleika á rafhlöðu.

Hér má lesa greinina á vef FÍB.