Kaninn að brjálast í framleiðslu batterísbíla
Nú kynnir GM komu Silverado með rafmagnsmótorum. Sá á að komast tæpa 650 kílómetra skv. WLTP staðlinum.
Þetta er nú alveg tveggja til þriggja tösku húdd!
GM fer aðrar leiðir en Ford með F150 Lightning. Undirvagni Ford F150 Lightning hefur verið breytt talsvert mikið frá brunavélagerðunum. GM notar hins vegar grunninn af Hummer EV bílnum sem grunn fyrir Silveradoinn þó um allt öðruvísi bíl sé þar að ræða.
Svipar til Hummersins.
Glæsileg kerra.
Þó svo að bílnum svipi æði mikið til Silverado dagsins í dag eru hluföllinn allt önnur. Húddið er styttra, lægra og ekkert grill er að flækjast neitt fyrir.
Það gerir bílinn mun rýmri. Afturbitar stýrishússins eru ekki ósvipaðir og á nýja rafmagns Hummernum. Enda er húsið mun rúmbetra og stærra en á þeim gamla.
Mótorarnir gefa 510 hestöfl og er 833 Nm tog í bílnum, sem kemur á markað 2025. Sú gerð sem verður í boði fyrir almenning 2024 er af RST gerð en sá bíll er líka búinn tveimur mótorum sem til samans gefa um 664 hestöfl og 1057 Nm af togi.
Sá fer úr 0 í 100 km/klst á 4,5 sekúndum segir GM.
Hægt verður að hlaða að hámarki 350 kW af straumi inn á bílinn hafi menn aðgang að slíkri hleðslustöð, dráttargetan er um 3,6 tonn og burðargetan um 544 kg. Markmiðið er að búa til bíl sem getur dregið tæpt tonn segir GM.
Til samanburðar við Fordinn, þ.e. F150 Lightning, ber hann örlítið meira en dregur aðeins minna – fer samt eftir gerðum bíla. Fordinn getur hlaðið 150 kW af straumi inn á bílinn á klukkustund.
Jæja, þá eruð það verðin. Fyrsta útgáfa, RST 2024 er „fully loaded“ mun kosta frá 105 þúsund dollurum. Grunngerðir munu kosta frá um 40 þúsund dollurum þegar bíllinn kemur á markað 2025.
Frétt unnin upp úr grein á Autoblog.
Aðrar umfjallanir
Framboð Toyota næstu 30 árin mun innihalda ógrynni af valkostum umfram rafknúin ökutæki, að því er stjórnendur Toyota sögðu á árlegum hluthafafundi...
Haukur Hauksson blaðamaður lést aðeins 32 ára úr hjartasjúkdómi. Eiginkona Hauks kom á fót, ásamt blaðamannafélagi Íslands, sjóði sem hugsaður...
„Svona, hoppið nú upp í stelpur mínar. Ég skutla ykkur!“ Malín Brand man glögglega eftir því þegar Vigdís Finnbogadóttir bauð henni far á Álftanesveginum...
Þeir sem fylgdust með rallinu í Finnlandi um helgina þurftu oft að góna upp í loftið, rétt eins og þeir væru staddir á flugsýningu. „Jumpin“ eða stökkin á sérleiðunum geta verið alveg hreint mögnuð