Jonathan Ward er stofnandi og eigandi Icon en það er fyrirtæki sem sérhæfir sig í endurhönnun gamalla bíla með nýjustu tækni sem fyrirfinnst í bílum nútímans.
Jonathan á og rekur líka fyrirtækið TLC 4X4 sem er eitt elsta og traustasta verkstæðið í Bandaríkjunum í endurgerð Toyota Land Cruiser.
Þá er Icon 4X4 leiðandi í hönnun og endurgerð gamalla bíla.
1949 ágerð af Mercury Coupe með rafmótorum
Gamlir bílar með nýrri tækni
Tökum sem dæmi 40 ára gamlan bíl sem gerður er upp til næstu 40 ára. Þetta er gert með sérstökum hætti.
Hér er litað krókódílaleður, unnið af Jonathan sjálfum.
Heimurinn er fullur af drasli, áherslan er meira og meira lögð á magn frekar en gæði. Gamla handbragðið er að hverfa. Því ekki að gefa því nýtt líf?
Icon horfir aftur til framtíðar með því að blanda saman gömlu handbragði og nýjustu tækni sem gefur viðskiptavininum eitthvað einstakt.
Gamlir bílar með nýrri tækni
Eitt skemmtilegasta dæmið um bíl sem lætur ekki mikið yfir sér er til dæmis Mercury ´49-´51 árgerð. Þú sérð þennan bíl á götu og veltir því fyrir þér hvort hann eigi eftir að bila á leið sinni um veginn.
Stafrænn snertiskjár í upprunalegu mælaborðinu.
Akkúrat enginn íburður hér.
En þegar betur er að gáð er þetta bíll sem búið er að eyða mörg þúsund klukkutímum í að endurgera.
Hér má sjá ofan í mótorsalinn á Mercury bílnum.
Rafbíll með stafrænum skjá
Tveir rafmótorar, 322 kílómetra drægni og 645 Nm tog gerir bílinn að einhverju sem líkist tæknilega nýrri Teslu.
Mælaborðið er með snertiskjá, enda þarf alvöru stýrikerfi fyrir nýtísku rafmagnsmótora.
En samt er mælaborðið eins og það var þegar bíllinn kom út úr verksmiðjunni.
Jonathan segir að ef eitthvað sé átt við upprunalega útlitið og bílnum breytt þannig að hann líti ekki út eins og í upphafi séu þeir búnir að missa sjónar á markmiðinu.
Hudson árgerð 1949.
Aðeins það besta
„Einn af birgjunum okkar starfar á markaði með íhluti fyrir geimiðnaðinn.
Við erum að nota besta fáanlega efni sem hægt er að fá.
Festingar og fittings sem við notum kemur yfirleitt frá birgjum í lestabransanum enda er sá bransi þekktur fyrir gæði og endingu,“ segir Jonathan Ward hjá Icon að lokum.
Aðrar umfjallanir
Slökkvibíll sem er vatnabíll [e. Amphibious Vehicle] er auðvitað svakalega sniðugt tæki! Þessi bíll er með dælu sem getur dælt 4000 lítrum af vatni á mínútu og já, allt það í þessu stutta en áhugaverða myndbandi.
Árið 1965 birtist grein í Morgunblaðinu eftir sænskan listamann sem ók um íslenskar torfærur. Þ.e. það sem Íslendingar kölluðu vegi. Glöggt er gests augað og er frábært að lesa lýsingar Svíans á umferðinni, vegakerfinu og síðast en ekki síst eyjarskeggjunum: Íslendingum.
Árið 1969 var klikkað í bílaheiminum. Reyndar áður en menn áttuðu sig á því. Ef við skoðum eilítið hvað var að gerast akkúrat árið 1969 sjáum við að margir af eftirsóttustu sporturum heims koma á markað það ár.
TOKYO - Toyota Motor sagðist á föstudag hafa þróað pakka með eldsneytissellueiningu með vetni , þar sem hún...