- Væntanlegur rafjeppi mun heita Smart #1
- Smart hefur gefið nýja rafbílnum nafn! #1 kemur á markað á þessu árið og loks eru komnar myndir af honum.
- #1 fær það verkefni að snúa við blaðinu fyrir fyrirtækið og sækja fram á markaði
Smart hefur staðfest að lítill alrafmagnaður sportjeppi fyrirtækisins muni fá nafnið Smart #1 þegar hann kemur í sölu undir lok árs 2022, og hefur birt nokkrar opinberar vetrarprófunarmyndir af bílnum, áður en endanlegar myndir koma í ljós síðar á þessu ári.
Nýja gerðin, sem var forsýnd sem Concept #1 á bílasýningunni í München í fyrra, hefur það verkefni að endurræsa vörumerkið undir sameiginlegri eign Mercedes Group-Geely. Vörumerkið hefur staðfest að #1 nafnið er mikilvægur hluti af þessari endurræsingu, þar sem Smart mun fara yfir í númeraða flokkun fyrir bíla sína, og segja skilið við Fortwo og Forfour nafnastefnuna sem áður var notuð.
Notkun myllumerkis í nafninu er ætlað að tákna ungleika vörumerkisins og fyrirtækið vonast til að stefnubreytingin verði til þess að Smart komi aftur fram sem „tískumerki“, með svipuðum áhrifum og þegar vörumerkið kom á markað árið 1997 með upprunalega Smart City Coupe.
Minni háttar breytingar fela í sér viðeigandi vélarhlíf, nýtt útlit neðri hluta á grilli og minni hentugri hjólastærð. Yfirborðið og hlutföll farartækisins eru samt vel í takt við hugmyndina.
Smart hefur staðfest að hönnunin leggi sérstaka áherslu á loftaflfræðilega skilvirkni, þar sem viðnámsstuðullinn 0,29 fæst með atriðum eins og innbyggðum hurðarhandföngum og grilli með inntökum sem hægt er að opna og loka.
Á bílasýningunni í München á síðasta ári sagði Smart að Concept #1 sýndi „skýra innsýn í fyrstu framleiðslugerðina í nýrri kynslóð Smart af rafknúnum ökutækjum“ - og hún sýnir að fyrirtækið ætlar að hverfa frá framboði sínu á „borgarbílum“.
Hugmyndabíllinn sem birtist í München var með fjögur sæti, en framleiðslugerðin mun rúma allt að fimm manns, með innréttingu með glænýjum „farþegaarkitektúr“ og ferskri tækni, þar á meðal allt að 12,8 tommu skjá ef marka má #1 Concept.
Geely er leiðandi í tækniþróun bílsins og þó að Smart hafi ekki staðfest val á grunni fyrir bílinn, þá er það sennilega næsta víst að notast verði við SEA - nýjan alrafmagnaðan grunn sem mun einnig standa undir gerðum á kínverskum markaði, sem og væntanlegum litlum bíl frá Volvo, sem er í eigu Geely.
Búist er við að #1 verði framleiddur ásamt rafknúnum arftaka Smart Fortwo og Forfour í nýrri sameiginlegri verksmiðju í Xi'an, Kína, sem hefur framleiðslugetu upp á 300.000 bíla á ári.
(frétt á vef Auto Express – myndir frá Smart)
Aðrar umfjallanir
Í ágúst árið 1984 opnaði tívolí á Melavellinum í Reykjavík. Þar var bæði hægt að aka gókartbílum og klessubílum. Öll tæki voru keypt að utan, nema klessubílarnir sem fengnir voru á kaupleigu.
Lóðin er í heild um 23 þúsund fermetrar að stærð og er hún sérhönnuð með fleiri en eitt bílasölufyrirtæki með umfangsmikla starfsemi í huga...
Við fjölluðum um nýjasta útspil VW – ID.Buzz sem kynntur var nýlega sem fólksbíll og sendibíll, og það er greinilegt að bíllinn fær...
Sprotafyrirtæki á sviði rafknúinna ökutækja í Bandaríkjunum, Lucid Motors, sem miðar að því að selja fyrstu lúxusgerðina sína, Lucid Air...