Polestar 2 Arctic Circle rallý-útgáfa
Sænski rafbílaframleiðandinn hefur breytt Polestar 2 verulega til að takast á við snjó og ís, með endurgerðri fjöðrun, meiri krafti og breyttri innréttingu.
Polestar hefur búið til einstaka, mótorsportútgáfu af Polestar 2 rafbílnum. Þróun og prófanir fara fram við norðurheimsskautsbaug.
„Fínstilling undirvagns á snjó og ís gerir okkur kleift að þróa bílana okkar eins og í hægri endursýningu og með betri nákvæmni,“ segir Joakim Rydholm. „Með svo litlu gripi getum við upplifað og greint hreyfingar á mun lægri hraða en á malbiki, sem þýðir að við getum í raun fínstillt hvernig bílarnir okkar hegða sér, niður í minnstu smáatriði. Þetta er uppáhaldsstaðurinn minn fyrir bílaþróun.“
Meira afl hefur einnig verið sótt til tvöfaldra rafmótora, þó að Polestar hafi staðfest að Arctic Circle útgáfan muni ekki fara í almenna framleiðslu.
Að utan heldur Polestar 2 Arctic Circle útgáfan sömu breiðu, mínímalísku hönnun og gerðin fyrir þjóðvegina með nokkrum rallý-innblásnum viðbótum, þar á meðal fjóra LED-kastara og koltrefjaplötu undir framstuðara til að vernda undirvagninn. Bíllinn er í matt-gráum og hvítum lit, hvítar 19 tommu OZ Racing rallýfelgur, með nagladekkjum.
Byggður á Long Range Polestar 2
Grunnbíllinn er Long Range útgáfan af Polestar 2, búinn Performance pakka. Afl- og togtölur hafa verið hækkaðar í 469 hö og 680 Nm (frá 402 hö og 660 Nm).
Samkvæmt Polestar er stýrikerfið í nýja bílnum á frumstigi, þannig að það gæti verið í þróun fyrir framtíðarútgáfu af 2.
Lykillinn að rallýupplýsingum Arctic Circle útgáfunnar er fjöðrunarkerfi hennar, með 30 prósent mýkri fjöðrunarhraða en staðalbíllinn er með. Veghæðin hefur verið aukin um 30 mm og Polestar hefur sett upp sérsniðna, þríhliða stillanlega Ohlins dempara og að framan eru 4 stimpla Brembo bremsur. Fram- og afturstífur hafa verið settar á til að auka snúningsstífni og næmni stýris.
Þessar breytingar hafa verið þróaðar af Joakim Rydholm, verkfræðingnum sem hannaði undirvagninn í Polestar, sem einnig er reyndur rallýökumaður.
Sætin í bílnum eru sérbólstraðir kolgráir Recaro-stólar með gullinni áferð. Snjóskófla úr koltrefjum og dráttartaug eru fest aftan á bílinn.
(Byggt á frétt Auto Express og frétt Polestar– myndir Polestar)
Fleira tengt Polestar:
Reynsluakstur Polestar 2: Lengri leiðin heim? Já takk!
Aðrar umfjallanir
Aehra frá Ítalíu er nýr rafbílaframleiðandi sem segist ætla að gera allt betur en rótgrónir bílaframleiðendur...
Skrifari Bílabloggs á jeppa af minni gerðinni. Fékk hann ekki nýjan en núna var loks komið að því að fara með hann í skoðun eftir um tveggja ára eigu, en kílómetramælirinn sýnir um 53.000 kílómetra.
Ford er að endurbæta markaðssetningu sína í Evrópu með slagorðinu „Ævintýralegur andi eða Adventurous Spirit“
Á meðan Jagúar reynir að finna sína fjöl á markaðnum með þróun næstu kynslóðar rafbíla standa fjölmörg bílagallerý í því að endursmíða bíla fyrri tíma...