Porsche sem minnir á súkkulaði

Liturinn á Porsche 992 Stinger GTR í Carbon útfærslu TopCar Design er sannarlega ekki eitthvað sem maður hefði getað látið sér detta í hug. Hann minnir á súkkulaði. Hvað næst? Avocado?

Jæja, það er í það minnsta svona sem hið virta kompaní TopCar Design óskar bílaheiminum gleðilegs nýs árs 2022.

Við, sem ekki gleypum við þessum súkkulaðilit og erum kannski á því að blanda bílum og mat sem minnst saman, getum þó andað léttar því einungis koma 13 eintök af þessu.

Nú kemur það merkilegasta: Á síðu TopCar kemur fram að breytingin í heild (sem endar svo í þessum agalega lit) er sú flóknasta sem fyrirtækið hefur ráðist í frá upphafi. 84 hlutir eru gerðir úr fjórum lögum koltrefja og í stað þess að fara mögulega með fleipur þá er þetta svona á útlensku: „external, internal and 2 structural layers“.

Verðið fyrir þessa breytingu er nú eitthvert lítilræði, fyrir þá sem eiga nóg af aurum, en fyrir aðra kannski fullstór súkkulaðibiti eða 100.000 evrur (rúmar 15 milljónir króna).

Nánar um aurahlið málsins á síðunni (má bæta hellingi við fyrir hellingspening) en hér má skoða myndband sem segir raunar ekki neitt heldur sýnir bílinn að innan og utan. Jú, hann er settur í gang og mjakast eittthvað á bílastæði en ekkert sem fútt er í. Alla vega læt ég myndirnar duga hér.

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.

Við reynsluökum bílum, tökum viðtöl, skrifum greinar og fjöllum um bíla á óhlutdrægan hátt. Umferð, öryggi, vegir, tryggingamál og allt annað sem tengist bílum og umferð. www.bilablogg.is

Aðrar umfjallanir

J100 jeppinn frá SsangYong mun heita Torres

Væntanlegur millistærðarjeppi SsangYong hefur fengið nafnið „Torres“. Bíllinn, sem hingað til hefur haft kóðanafnið „J100“, dregur nafn sitt af Torres del Paine þjóðgarðinum í Patagóníu.

BMW-eigandi syrgir brunahreyfilinn

„Fregnir af andláti brunahreyfilsins eru stórlega ýktar.“ Með þessari skírskotun í fleyg orð sem Mark nokkur Twain lét falla um „eigið andlát“, hefst grein á BMWblog sem birt var í morgun.

„Body Kit“ fyrir Land Cruiser 300

Þau eru nokkur, fyrirtækin sem hannað hafa „body kit“ fyrir nýjan Land Cruiser 300.

Dularfullt mótorhjólaslys Bobs Dylans

Tónlistarmaðurinn Bob Dylan lenti í mótorhjólaslysi sumarið 1966. Í meira en hálfa öld hefur slysið verið talið dularfullt en fátt er vitað um hvað gerðist í raun og veru. Hvorki lögregluskýrslur né læknaskýrslur virðast til um slysið og engin vitni sögð að því.