SsangYong, sem kemur til Evrópu sem rafbíll árið 2023, sést á nýjum kynningarmyndum
Væntanlegur millistærðarjeppi SsangYong hefur fengið nafnið „Torres“. Bíllinn, sem hingað til hefur haft vinnuheitið „J100“, dregur nafn sitt af Torres del Paine þjóðgarðinum í Patagóníu.
Hann er enn með lóðréttu grillrimarnar og það sem lítur út fyrir að vera innbyggt varadekk á afturhleranum. Á myndinni af bílnum aftanverðum má sjá eitthvað svipað og aukabúnaðinn sem festur er á hliðina [„Gear Carrier“] á Land Rover Defender. SsangYong virðist ætla sér að markaðssetja bílinn sem farartæki fyrir útivistarfólk ef svo má að orði komast.
Skissa sem birt var fyrir um ári síðan.
SsangYong mun hefja framleiðslu á hinum „harðgerða og sterkbyggða“ Torres í júní fyrir markaðinn í Suður-Kóreu. Evrópska útgáfan af Torres verður eingöngu rafknúin (vinnuheiti þess bíls var „U100“) og kemur sú gerð ekki fyrr en undir lok árs 2023.
Þegar að því kemur mun rafdrifna gerðin keppa við Skoda Enyaq og Volkswagen ID.4 en á lægra verði, að því er fréttir herma.
Engar tæknilegar upplýsingar um bílinn hafa verið opinberaðar, þó staðfesting á bæði rafknúnum og brunaaflrásum bendi til þess að hann gæti verið byggður á aðlöguðum undirvagni bíla með brunavél, líkt og nýi Korando e-Motion. Torres mun lenda á milli Korando og Rexton í framboði SsangYong.
(frétt á vef Auto Express – myndir frá SsangYong)
Aðrar umfjallanir
Ford hefur afhjúpað nýja útgáfu af Tourneo Connect til að skipta út næstum áratugar gamalli gerð sem var fyrir. Deilir nýi fólksbíllinn flestum íhlutum sínum með nýjasta Volkswagen Caddy.
Það er kannski ekki fallegt að hefja umfjöllun með svo vafasari fullyrðingu: Að til sé Porsche sem flestir ættu að hafa ráð á að kaupa...
Næsti Mercedes E-Class kemur árið 2023 og á tímum alrafmagns endurfæðingar fyrir þýska vörumerkið mun hann reyna að sanna að...
„Við viljum öll valkosti þegar kemur að því að velja næsta bíl, hvort sem það er ódýr notaður bíll eða fólksbíll með nýjustu hátækni. Og samt eru margir sem hafa...