Mulacek-fjölskyldan safnar bílum og kappakstursökumönnum. Gott uppeldi skapar ökumennina og peningar borga bílana. Fjölskyldan á ótrúlega magnað bílasafn sem samanstendur aðallega af Ford og Ferrari. Og það engum kandíflossútgáfum!
Mustang og GT40? Það held ég nú! Shelby, AC Cobra? Já auðvitað, hvað viltu sjá?
Suss! Þetta er algjörlega magnað! Dr. Ronald Mulacek, „ættfaðirinn“, byrjaði að safna almennilegum bílum árið 1957. Nú er þriðja kynslóðin sú sem er hvað virkust en virknin er fólgin í því að nota bílana. Og keppa á þeim!
Frímerki „versus“ sportbílar
Það segir sig auðvitað sjálft! Ef menn safna sportbílum þá er eitthvað svo sorglegt ef bílarnir eru aldrei notaðir. Hér komum við að þeim stóra mun sem er á því að safna frímerkjum og sportbílum: Þú getur notað bílana en frímerkin nota menn ekki nema bara einu sinni.
Nema hvað! Ekki leyfa þessum samanburði að rugla ykkur, enda var hann lélegur.
Í Mulacek-fjölskyldunni eru sjö kappaksturökumenn. Þarna hefur greinilega eitthvað virkað í uppeldinu.
Í dag birtist brakandi nýtt myndband á veraldarvefnum þar sem Phil Mulacek segir frá hluta af fíneríinu sem fjölskyldan hefur safnað síðustu 54 árin. Veskú!
Aðrar umfjallanir
Ég var um tvítugt á níunda áratugnum. Frá 1980 til 1995 voru það smábílar með einhvers konar GTI merkingum sem gripu athyglina. Oftast voru þetta sömu boddýin...
Jaguar E-Type, eða Jaguar XK-E eins og bíllinn var kallaður fyrir Norður-Ameríkumarkað, er breskur sportbíll sem var...
Nú styttist í útgáfu kvikmyndar um ofurhetjuna The Flash. Kvikmynda- og teiknimyndasögu heimurinn bíður spenntur og það af góðri ástæðu...
Hann kallar sig Professor Pardal á YouTube. Það er skemmtilegur húmor, því Georg gírlausi heitir nefnilega Professor Pardal á portúgölsku og spænsku. Hann er að gera áhugaverðar tilraunir þar sem gufuvél er í aðalhlutverki!