Nú er hann ekki „bara“ ökumaður og sjöfaldur heimsmeistari í Formúlu 1 heldur líka riddari. Það var Karl Bretaprins sem sæmdi Lewis Hamilton riddarartign í Windsorkastala í morgun.
Lewis Hamilton, Formúluökumaður og nú líka riddari.
Eftir athöfnina í morgun röbbuðu þeir Hamilton og Karl saman og virðist, af myndum að dæma, að vel hafi farið á með þeim. Þó hefði eflaust líka verið gaman að ræða við móður hans, Elísabetu Bretadrottningu, um bíla og kappakstur því hún hefur vit á slíku enda er hún menntaður bifvélavirki, eins og fjallað var um hér.
Karl Bretaprins hefur marga fjöruna sopið en ekki er víst að hann hafi prófað Formúlubíl.
Hún hefur verið dálítið slöpp upp á síðkastið enda orðin nokkuð öldruð; alveg að verða 100 ára. Það er þó ekki útilokað að hressilegt spjall við Hamilton hefði hresst hana við og jafnvel yngt hana um einhver ár. Svo ekki sé nú talað um ef þau hefðu skroppið í bíltúr saman.
Skjáskot/Twitter/Royalfamily
Fjórði „Formúluriddari“ sögunnar
Hamilton er fjórði ökumaðurinn úr Formúlu 1 sem öðlast riddaratign en fyrir tuttugu árum var það Sir Jackie Stewart sem gerður var að riddara. Þar á undan voru þeir Sir Stirling Moss, árið 2000, og Sir Jack Brabham árið 1979.
Þó hafa mun fleiri ökumenn verið slegnir til riddara þó svo þeir hafi ekki þá stundina verið keppendur í Formúlu 1. Það sama á við um ýmsa fleiri sem sportinu tengjast. Sir Frank Williams heitinn, er eitt dæmi en þau eru mun fleiri eins og t.d. má lesa um hér.
Undirrituð varar sérstaklega við vondri músík sem ómar undir meðfylgandi myndbandi og mælir jafnframt sérstaklega með „mute“ stillingu:
Aðrar umfjallanir
Mazda fagnar 15 árum hjá Brimborg með veglegum afmælistilboðum til 30. júní. Mazda bílar hafa notið mikilla vinsælda á Íslandi og eru þeir í sérflokki...
Hjón sem búa í Worcester á Englandi hafa verið með eindæmum óheppin hvað bíla snertir, eða öllu heldur búsetu og bíla. Orðið „óheppni“ nær tæplega yfir það sem um ræðir en einhvern veginn er ekið fáránlega oft á bíla þeirra framan við heimilið.
Nýi Smart #1 er byggður á alveg nýjum rafmagnsarkitektúr frá Geely, sem kallast SEA. Þetta mun styðja við væntanlegt nýtt úrval bíla Smart, en #1 setur einnig sniðmátið fyrir...
Lexus frumsýndi 2021 árgerð Lexus IS sem ítarlega uppfærða útgáfu bílnum mánudaginn 15. júní...